"शिवसेनेचा कोणताही वाण आला तर शिंदेच्या बाणापुढे टिकू शकणार नाही" - सत्तार | Sakal
sakal

बोलून बातमी शोधा

अब्दुल सत्तार

"शिवसेनेचा कोणताही वाण आला तर शिंदेच्या बाणापुढे टिकू शकणार नाही" - सत्तार

मुंबई : ओरंगाबादमधील शिवसेनेचे आमदार अब्दुल सत्तार यांनी मुख्यमंत्री एकनाथ शिंदे (CM Eknath Shinde) आणि आमदारांच्या सत्काराचं आयोजन केलं होतं. मुंबईतील रविंद्र नाट्य मंदिर येथे शिंदे यांच्या सत्काराचं आयोजन केलं असून यामध्ये शिंदे सरकारमधील आमदारांनी उपस्थिती लावली होती. शिंदे यांचं सरकार स्थापन झाल्यावर आमच्या मतदारसंघाला निधी मिळाला असं आमदार अब्दुल सत्तार (MLA Abdul Sattar) म्हणाले. त्याचबरोबर ही शिवसेना ओरिजनल असून यापुढे शिवसेनेचे कोणतेही नवीन वाण टिकणार नाहीत असा टोला त्यांनी लावला.

(Abdul Sattar On Shivsena)

"जगातल्या कोणत्याही राज्यात मुख्यमंत्री होणार नाही असा मुख्यमंत्री आपल्याला लाभला आहे. आपण कोणतीही गोष्ट लपवून करत नाही. माझ्या मतदारसंघात हिंदू मतदारांची लोकसंख्या जास्त आहे पण मला ते निवडून देतात. आपली शिवसेना ओरिजनल आहे आणि जुन्या शिवसेनेचा कोणताही वाण आला तर शिंदेच्या बाणापुढे टिकू शकणार नाही." असा टोला त्यांनी यावेळी उद्धव ठाकरे यांना लावला आहे.

शिंदे यांनी रात्री दोन वाजता माझ्या नगपालिकेसाठी २० कोटींचा निधी मंजूर केला आहे. त्यांचे उपकार मी विसरणार नाही. त्यावेळच्या मुख्यमंत्र्यांना पेन चालवण्यामध्ये अडचणी होत्या पण आता ती अडचण शिंदे यांनी सोडवली आहे. त्यांच्या उपकाराची परतफेड आम्ही करू शकत नाही असंही ते यावेळी म्हणाले.

हेही वाचा: फडणवीस- राज ठाकरेंमध्ये दोन तास बैठक; नांदगावकर म्हणाले...

"ज्याला काही अक्कल नाही तेही नक्कल करण्याचा प्रयत्न करतात. पण आम्ही इमानदार राहिलो आणि शिवसेनेचे विधानपरिषद उमेदवार निवडून दिले. आम्ही दगाफटका केला नाही. पण शिंदे साहेबांनी जो निर्णय घेतला तो बाळासाहेबांच्या राजकाराणातून आणि त्यांच्या विचाराचा वारसा पुढे चालवण्यासाठी घेतला. आणि आता आम्हाला लाभलेला जनसामान्यांना न्याय देणारा मुख्यमंत्री म्हणजे एकनाथ शिंदे. कारण आत्तापर्यंत लेना बँका बघितल्या पण महाराष्ट्रातील देना बँक म्हणजे शिंदे साहेब." असं म्हणत सत्तार यांनी मुख्यमंत्री शिंदे यांचं कौतुक केलं आहे.

Web Title: Mla Abdul Sattar On Shivsena Eknath Shinde Uddhav Thackeray

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..