फडणवीसांनी नवाब मलिकांवर त्याचवेळी का कारवाई केली नाही? माजी मुख्यमंत्र्यांचा थेट सवाल | Sakal
sakal

बोलून बातमी शोधा

Prithviraj Chavan Vs Devendra Fadnavis

मंत्री नवाब मलिकांवर झालेले आरोप 2003 मधील आहेत.

'फडणवीसांनी नवाब मलिकांवर त्याचवेळी का कारवाई केली नाही?'

कऱ्हाड (सातारा) : पुण्याला मेट्रोच्या (Pune Metro) पहिल्या टप्प्याचे पंतप्रधान नरेंद्र मोदी (Narendra Modi) यांच्या हस्ते उद्‌घाटन झाले. त्या मेट्रोला माझ्या मुख्यमंत्रिपदाच्या कारकिर्दीत मंजुरी दिली होती. मात्र, त्यांनी तितक्या सन्मानानं आम्हाला कार्यक्रमाला बोलावलं नाही. त्यामुळं भाजपकडून विकासकामांतही आता काँग्रेसव्देषी राजकारण होत आहे, अशी टीका माजी मुख्यमंत्री आमदार पृथ्वीराज चव्हाण (Prithviraj Chavan) यांनी येथे पत्रकार परिषेदत केलीय.

चव्हाण पुढे म्हणाले, मंत्री नवाब मलिकांवर (Nawab Malik) झालेले आरोप पूर्वीचे म्हणजे २००३ मधील आहेत. त्यानंतर फडणवीसही (Devendra Fadnavis) सत्तेवर होते. त्यावेळी त्यांनी का कारवाई केली नाही. ते का झोपले होते का?, असा सवालही त्यांनी उपस्थित केलाय. कऱ्हाडच्या विमानतळाचा (Karad Airport) कलर कोडिंगचा नकाशा जाहीर झाला आहे. त्यामुळं कऱ्हाडातील बांधकामांना परवानगीचा विषयही मार्गी लागल्याचंही त्यांनी स्पष्ट केलं. येथे येऊन उद्‌घाटन करताहेत, त्याबद्दल खंत नाही. विकासकामांची उद्‌घाटनं अशीच निरंतर असतात. जो भूमिपूजन करतो, तोच उद्‌घाटक असेल, असे नसते. तो प्रश्न निराळा आहे. मात्र, विकासकामांत कधीच असले राजकारण नव्हते. ते असूही नये. मात्र, भाजप (BJP) तेच करत आहे, असे नमूद करून श्री. चव्हाण म्हणाले,‘‘विमानतळ प्राधिकरणाच्या ना हरकत दाखल्याच्या नियमाच्या आदेशाने कऱ्हाडसह परिसरातील बांधकामाबाबत अनिश्चितता संपली आहे. बांधकाम परवाना पालिकाच देणार आहे. विमानतळ प्राधिकरण केवळ ना हरकत दाखला देणार आहे.

हेही वाचा: आमदार धस यांच्यासह प्रवीण दरेकरांवर गुन्हे दाखल करण्याचे आदेश

विमानतळ प्राधिकरणाचे मुख्य संजीवकुमार व विमानमंत्री ज्योतिरादित्य शिंदे (Jyotiraditya Scindia) यांची भेट घेतली. विमानतळ प्राधिकरणाचे संजीवकुमार यांना भेटून तो प्रश्न मार्गी लावण्याची विनंती केली. त्यांनी एका दिवसात तो प्रश्न मार्गी लावला. विमानतळ कलर कोडिंग नकाशा अंतिम जाहीर केला. त्यात रेड झोनसह अन्य कलर कोडिंग स्पष्ट केले. त्यामुळं कऱ्हाडसह परिसरातील बांधकाम परवाने मिळण्याचा मार्ग मोकळा झाला असल्याचंही चव्हाण यांनी सांगितलं.

Web Title: Mla Prithviraj Chavan Criticizes Devendra Fadnavis Over Nawab Malik Case

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top