शरद पवारांच्या 'त्या' सभेनं भाजपची सत्ता उलथवली याचा राज ठाकरेंना विसर : आमदार शिंदे | Sakal
sakal

बोलून बातमी शोधा

Raj Thackeray vs Shashikant Shinde

'पवार साहेब जाणीवपूर्वक पावसातल्या सभेत भिजलेले नव्हते.'

'शरद पवारांच्या त्या सभेनं भाजपची सत्ता उलथवली याचा राज ठाकरेंना विसर'

सातारा : गेल्या काही दिवसांपासून राज्यातलं राजकारण चांगलंच तापलं असून आरोप-प्रत्यारोपांच्या फैरी झडत आहेत. त्यातच आता राष्ट्रवादीचे आमदार शशिकांत शिंदेंनी (Shashikant Shinde) मनसे अध्यक्ष राज ठाकरेंचा चांगलाच समाचार घेतलाय. साताऱ्यातील 'त्या' सभेत राष्ट्रवादीचे (NCP) अध्यक्ष खासदार शरद पवार (Sharad Pawar) बोलण्यास उभे राहिले अन्‌ पाऊस सुरू झाला. त्यांचं भाषण संपल्यानंतर पाऊस कमी झाला. हे निसर्गाचे संकेत होते. हे राज ठाकरेंना (Raj Thackeray) माहित नसेल. पण, पवारसाहेबांनी पावसात भिजत दिलेल्या संकेतातूनच भाजपची (BJP) सत्ता जनतेनं उलथवून टाकली, अशी टीका आमदार शशिकांत शिंदे यांनी केलीय.

दरम्यान, साताऱ्यातील (Satara) पावसातील सभेवर राज ठाकरेंनी केलेल्या टीकेला आमदार शिंदेंनी सडेतोड उत्तर दिलंय. शशिकांत शिंदे म्हणाले, 'राज ठाकरेंनी साताऱ्यातील पावसातील सभेवरून पवार साहेब यांच्यावर टीका केली. ही टीका पूर्णपणे चुकीची व हास्यास्पद आहे. पवार साहेब हे जाणीवपूर्वक सभेत भिजलेले नव्हते. तीस हजारांवर जनसमुदास सभेस उपस्थित होता. सभेपूर्वी पाऊस नव्हता, पण पवार साहेब सभेत बोलण्यास उभे राहिले अन्‌ पाऊस सुरू झाला. त्यांनी पावसाला सांगितलं नव्हतं की, मी आलो की पाऊस सुरू करा. ते नैसर्गिक वातावरण होतं. पवार साहेबांचं भाषण संपल्यानंतर पाऊस कमी झाला. हे निसर्गाचे संकेत होते. हे राज ठाकरेंना माहित नसेल.'

हेही वाचा: भाजपनं संभाजीराजेंचा सन्मान केला, आता शिवसेनेनंही करावा : चंद्रकांत पाटील

अनेक लोक या पावसाच्या सभेवर जाणीव पूर्वक भिजल्याची टीका करतात. मुळात या सभेतूनच भाजपला बाजूला काढण्यासाठी संकेत पवार साहेबांनी दिले होते. या सभेला मीही उपस्थित होतो. पाऊस मोठ्याप्रमाणात होता. लोक भिजत सभा ऐकत होते. त्यामुळे हे सर्व ठरवून झालेले नव्हते, नैसर्गिक होते. यातूनच काहीजण पवार साहेब व पावसांवर राग काढत असले तरी त्यांचं दु:ख आम्हाला माहितीय. ती नैसर्गिक परिस्थिती होती. काही लोक ठरवून सांगतात, ते धादांत खोटे आहे. साहेबांनी उत्स्फूर्तपणे भाषण केलं त्यातूनच पावसानं दिलेल्या संकेतातूनच भाजपची सत्ता जनतेनं उलथवून टाकलीय, असंही त्यांनी शेवटी स्पष्ट केलं.

Web Title: Mla Shashikant Shinde Criticizes Mns President Raj Thackeray Over Sharad Pawar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top