Raj Thackeray :"तूच महाराष्ट्राचा वारस रे"; अवधूत गुप्तेने सादर केलं मनसेचं नवं धमाकेदार गाणं

MNS Raj Thackeray New Song : मनसेचा गुढीपाडवा मेळावा आज पार पडत आहे. यामध्ये राज ठाकरे आणि मनसे यांच्यावर आधारित एक नवीन गाणं आज लाँच करण्यात आलं. यावेळी अवधूत गुप्ते आणि त्यांच्या सहकाऱ्यांनी हे गाणं मनसेच्या मंचावर सादर केलं.

धाडसी करारी राजसाहेब आपले पाठीशी असताना डरायचं न्हाय, वेड कार्यकर्त्यांचे मनात जपले जागे व्हा रे मागे फिरायचं नाय, प्रश्न जिथे जनतेचा मार्ग तिथे मनसेचा , नवनिर्माण घडवूया असे या गाण्याचे बोल आहेत.

प्रसिद्ध गायक अवधूत गुप्ते यांनी हे गाणं गायलं आहे. गुढी पाडवा मेळाव्यानिमित्त या गाण्याचं लाँच झालं. या मेळाव्यामध्ये अवधूत गुप्ते यांनी आपल्या सहकाऱ्यांसह हे गाणं मंचावर गायलं. त्यावर शिवतीर्थावर जमलेले मनसैनिक थिरकले आहेत.

या गाण्याचं संकलन ईशान अमेय खोपकर यांनी केलं असून गायक अवधूत गुप्ते आणि अपूर्वा निशाद आहे. संगीतकार हितेश मोडक असून गीतकार म्हणून मंदार चोळकर यांनी काम केलं आहे.