Maharashtra Latest Marathi News Live Update
esakal
वाढत्या विमान इंधनाच्या किमती आणि संचालन खर्चामुळे नागपूरहून चालणाऱ्या विमान सेवांवर मोठा परिणाम झाला आहे. अनेक मार्गांवरील उड्डाणे कमी करण्यात आली असून काही सेवा तात्पुरत्या स्थगित करण्यात आल्या आहेत. नागपूर-इंदूर मार्गावरील दैनंदिन सेवा १५ जूनपासून थांबवण्यात येणार असून १८ जूनपासून ती पुन्हा सुरू होईल, मात्र आठवड्यातील फक्त पाच दिवसच उपलब्ध असेल. मंगळवार आणि बुधवार या दिवशी ही सेवा राहणार नाही. नागपूर-मुंबई आणि नागपूर-दिल्ली मार्गांवरील उड्डाणांची संख्याही कमी करण्यात आली असून मुंबईसाठी आता दिवसाला केवळ पाच उड्डाणे उपलब्ध असतील. तसेच बंगळुरू, हैदराबाद आणि कलकत्ता मार्गांवरील काही सेवाही बंद किंवा स्थगित करण्यात आल्याने प्रवाशांची गैरसोय होण्याची शक्यता आहे.