मोंथा इफेक्ट! विदर्भात ऑरेंज तर उर्वरित राज्यात यलो अलर्ट; दोन दिवस मुसळधार

बंगालच्या उपसागरात घोंगावणारं मोंथा चक्रीवादळ मंगळवारी रात्री आंध्र प्रदेशच्या किनारपट्टीला धडकलं. या चक्रीवादळाचा महाराष्ट्रात विदर्भातील काही जिल्ह्यांमध्ये परिणाम होणार आहे. यामुळे वादळी वाऱ्यासह जोरदार पावसाचा अंदाज हवामान विभागानं वर्तवला आहे. वादळ मंगळवारी प्रतितास १२ किमी वेगानं वायव्येकडे सरकत होतं. विदर्भासह राज्यात सर्वदूर पावसाची शक्यता आहे.