'त्या' विद्यार्थांसाठी MPSC च्या संयुक्त पूर्व परीक्षेसाठी नाव नोंदणी सुरू

मुंबई : कोरोनाच्या (corona) पार्श्वभूमीवर ज्या विद्यार्थ्याना महाराष्ट्र लोकसेवा आयोगाच्या (MPSC) गट ब च्या संयुक्त पूर्व परीक्षेला (Entrance Exam) बसता आले नाही, अशा उमेदवारांना वेगळी संधी देण्याचा निर्णय सरकारने (Government Decision) नुकताच घेतला होता, त्यासाठी महाराष्ट्र लोकसेवा आयोगाने (एमपीएससी)ने गट ब च्या परीक्षेसाठी (Division B exam) ऑनलाईन नोंदणीला (online registration) सुरुवात केली आहे. (MPSC division b exam online registration starts for students)

१ मार्च, २०२० ते १७ डिसेंबर, २०२१ या कालावधीत विहित कमाल वयोमर्यादा ओलांडलेल्या उमेदवारांना महाराष्ट्र दुय्यम सेवा अराजपत्रित, गट-ब संयुक्त पूर्व परीक्षा २०२९ परीक्षेसाठी पुन्हा एक संधी उपलब्ध करून देण्यात आल्याचे आयोगाने स्पष्ट केले आहे. यानुसार उमेदवारांना २७ डिसेंबर, ते ३१ डिसेंबर, २०२१ या कालावधीत ऑनलाइन अर्ज करता येईल. तर ऑनलाईन परीक्षा शुल्क भरण्यासाठी ३१ डिसेंबर, २०२१ रोजी मध्यरात्री १२ वाजेपर्यंत तर चलनाद्वारे १ जानेवारी, २०२२ पर्यंत परीक्षा शुल्क भरता येईल.

महाराष्ट्र दुय्यम सेवा अराजपत्रित, गट-ब संयुक्त पूर्व परीक्षा २०२१ करीता ०१ मार्च, २०२० ते दिनांक १७ डिसेंबर, २०२१ या कालावधीत विहित कमाल वयोमर्यादा ओलांडली असेल त्या उमेदवारांसाठी अर्ज सादर करण्याची संधी देण्याचा शासनाकडून निर्णय घेण्यात आला होता.त्यानुसार फक्त दिनांक ०१ मार्च, २०२० ते १७ डिसेंबर, २०२१ या कालावधीत वयाधिक ठरणाऱ्या उमेदवारांना या परीक्षेसाठी अर्ज सादर करता येणार आहे.