MPSC Result 2019 : राज्यसेवा परीक्षेचा अंतिम निकाल जाहीर

मुंबई : कोरोनाच्या परिस्थितीमुळं दोन वर्षांपासून लांबलेल्या राज्य लोकसेवा आयोगाच्या सन २०१९ रोजी झालेल्या परीक्षेचा अंतिम निकाल जाहीर झाला आहे. या परीक्षेत साताऱ्यातील कराडचा प्रसाद चौगुले हा राज्यात पहिला आहे. तर मुलींमध्ये मानसी पाटील ही पहिली आली आहे. याबाबतची गुणवत्ता यादी आयोगाच्या संकेतस्थळावर प्रसिद्ध करण्यात आली आहे.

लिपिक-टंकलेखक परीक्षेचा निकालही जाहीर

त्याचबरोबर महाराष्ट्र गट 'क' सेवा मुख्य परीक्षा 2019 च्या लिपिक-टंकलेखक परीक्षेचा सुधारित अंतिम निकालही जाहीर झाला आहे. या परीक्षेची गुणवत्ता यादी देखील आयोगाच्या संकेतस्थळावर प्रसिद्ध करण्यात आली आहे.

"कोरोनाच्या काळात वारंवार परीक्षा पुढे ढकलल्या जात असल्यानं ही प्रक्रिया बरीच लांबली होती. त्यामुळे आमच्यासाठी हा कसोटीचा काळ होता. कोरोनाच्या बिकट परिस्थितीतही अभ्यास करुन परीक्षेत अपेक्षित यश मिळाल्याचं समाधान आहे," अशी प्रतिक्रिया उत्तीर्ण झालेल्या विद्यार्थ्यांनी दिली.