ST STRIKE : 'न्याय मागण्याचा हक्क, मात्र कुणाला वेठीस धरू नका' | Sakal
sakal

बोलून बातमी शोधा

Anil parab-Shard Pawar
ST STRIKE : 'न्याय मागण्याचा हक्क, मात्र कुणाला वेठीस धरू नका'

ST STRIKE : 'न्याय मागण्याचा हक्क, मात्र कुणाला वेठीस धरू नका'

एसटी कर्मचाऱ्यांच्या संपावर (ST Workers Strike) गेल्या अनेक दिवसांपासून तोडगा निघू शकलेला नाही. त्यामुळे आज या प्रकरणावर तोडगा काढण्यासाठी एस कर्मचारी कृती समितीची आणि अनिल परब यांची शरद पवार (Sharad Pawar) यांच्या उपस्थितीत बैठक पार पडली. यावेळी अनिल परब यांनी सांगितलं की, आतापर्यंत तीन वेळा कर्मचाऱ्यांना कामावर येण्याचं आवाहन करण्यात आलं होतं, न्याय हक्क मागण्याचा सर्वांना अधिकार आहे. मात्र कुणाला वेठीस धरू नका, त्यामुळे आम्ही आज पुन्हा एकदा कर्मचाऱ्यांना कामावर येण्याचं आवाहन करतो असं परब म्हणाले.

हेही वाचा: शरद पवारांनी शब्द दिलाय; कामावर या! कृती समितीचे ST कर्मचाऱ्यांना आवाहन

हेही वाचा: कोरोनाचा वाढता धोका! महाराष्ट्रासह पाच राज्यांची मांडवियांसोबत बैठक

राज्य परिवहन मंडळातील २२ कर्मचारी संघटनांशी आज अनिल परब यांनी शरद पवारांच्या उपस्थितीत चर्चा केली. परब म्हणाले की, विलीगीकऱणाच्या मुद्यावर संप सुरू आहे. मात्र या प्रकरणात एक समिती काम करत आहे. तरी देखील आम्ही दोन पावलं पुढे येण्याच्या दृष्टीने पगारवाढ दिली. ही पगारवाढ मुळ वेतनात दिली असल्याने काही कामगारांना अडचण होती. त्यांना आम्ही सांगितलं की, यावर योग्य तो निर्णय घेतला जाईल. कर्मचाऱ्यांवर कारवाई होईल अशा आफवा पसरवल्या जात आहेत. मात्र अशा कुठल्याही कारवाया होणार नाही. तसंच आज जे मुद्दे कृती समितीकडून मांडण्यात आले त्यात पगारवाढीतील तफावत, सातवा वेतन आयोग आणि कर्मचाऱ्यांवरील कारवाई यावर सकारात्मक निर्णय घेऊ असं अनिल परब यांनी सांगितलं. त्यानुसार कृती समितीच्या सर्व नेत्यांनी आपल्या संपर्कातील कामगारांना कामावर रुजू होण्याचं आवाहन केलं असून, आपण कामावर येऊन आपले न्याय हक्क मागा, मात्र कुणाला वेठीस धरू नका असं त्यांनी सांगितलं.

हेही वाचा: सदावर्तेंची वकिली मागे घेतली; ST कृती समितीचा निर्णय

शरद पवार यांनी यावेळी एसटी कर्मचारीच्या कृती समितीसोबत सकारात्मक चर्चा झाल्याची माहिती दिली. तर एसटी कृती समितीच्यावतीने बोलताना सांगण्यात आलं की, शरद पवारसाहेब आणि अनिल परब यांच्यात बैठक पार पडली. कृती समितीच्या वतीने आम्ही काही मुद्दे मांडले आहेत पहिल्यांदा दोन महिने संप सुरू आहे. संपाबाबत सविस्तर चर्चा झाली. सातवा वेतन आयोगासंदर्भात चर्चा करण्याचे आश्वासन त्यांनी दिलंय. कर्मचाऱ्यांवर कठोर कारवाई होतेय. निलंबित व बडतर्फ झालेल्यांना एसटी सुरू झाल्यावर निर्णय घेतला जाईल असं आम्हाला सांगितलंय. बांधवांनो विचार करा, विलिनीकरणाची लढाई कोर्टावर सोपवूया आणि कामावर येवूया असं आवाहन कृती समितीच्या वतीने करण्यात आलं.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top