Raj Thackeray : राज ठाकरेंची सभा अन् मुख्यमंत्री शिंदेंची मनसे कार्यालयाला भेट; राजू पाटील म्हणाले...

eknath shinde and raj thackeray
eknath shinde and raj thackerayesakal

मुंबईः मनसे अध्यक्ष राज ठाकरे यांची आज गुढीपाडवा सभा आहे. या सभेकडे सबंध महाराष्ट्राचं लक्ष लागून राहिलं आहे. मात्र संध्याकाळी सभा असतांना सकाळी मुख्यमंत्री एकनाथ शिंदे यांनी मनसेच्या कार्यालयाला भेट दिली. त्यामुळे राजकीय वर्तुळात चर्चा रंगल्या आहेत.

राज ठाकरे यांची आज गुढीपाडव्यानिमित्त सभा आहे. या सभेत ते सध्याचं घसरलेलं राजकारण, सत्तासंघर्ष आणि मशिदीवरील भोंगे या मुद्द्यांवर बोलतील, असं सांगण्यात येतंय. सायंकाळच्या या सभेकडे राज्याचसह देशाचं लक्ष लागून राहिलं आहे.

हेही वाचाः झोप नीट लागायला हवी? मग हे वाचाच

सायंकाळी राज यांची एकीकडे सभा असतांना दुसरीकडे मात्र मुख्यमंत्री एकनाथ शिंदे यांनी मनसेच्या कार्यालयाला भेट दिली आहे. मुख्यमंत्र्यांनी डोंबिवली येथील मनसेच्या मध्यवर्ती कार्यालयाला भेट दिल दिली. या भेटीमागचं नेमकं कारण समजू शकलेलं नसलं तरी शिवसेना-मनसे यांच्यातील युतीच्या चर्चा रंगू लागल्या आहेत.

यासंदर्भात मनसेचे आमदार राजू पाटील यांनी प्रतिक्रिया देतांना सांगितलं की, युती किंवा इतर बाबतींमध्ये पक्षप्रमुख राज ठाकरे हेच काय ते ठरवतील. मुख्यमंत्री एकनाथ शिंदे हे गणपती संस्थानच्या कार्यक्रमाला आले होते. त्यावेळी मी त्यांना मनसेच्या कार्यालयात येण्याचं आमंत्रण दिलं. त्यांनीही मोठ्या मनाने मनसे कार्यालयाला भेट दिल्याचं पाटील यांनी सांगितलं.

eknath shinde and raj thackeray
Amritpal Singh: अमृतपाल महाराष्ट्रात ड्रग्स पेडलर्सच्या आश्रयाला? गुप्तचर यंत्रणांच्या हाती धागेदोरे

दरम्यान, राज ठाकरे यांची शिवतीर्थावर आज जंगी सभा होणार आहे. राज यांचा ठाकरी बाणा, शालजोडे आणि ताशेरे; याकडे सर्वांचं लक्ष लागून राहिलं आहे. भविष्यात मुंबई महानगर पालिकेच्या निमित्ताने राज ठाकरे काय भाष्य करतात, हेही पाहाणं महत्त्वाचं ठरणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com