मुंबई पोलिसांची मनसे कार्यकर्त्यांना नोटीस; महाआरती न करण्याचे आवाहन | Sakal
sakal

बोलून बातमी शोधा

Mumbai Police issues notice to MNS activists

मुंबई पोलिसांची मनसे कार्यकर्त्यांना नोटीस; महाआरती न करण्याचे आवाहन

मुंबई : मशिदींवरील भोंग्यांचा विषय मनसेचे अध्यक्ष राज ठाकरे यांनी चांगलाच उचलून धरला आहे. यामुळे राज्यातील वातावरण चांगलेच तापले आहे. मशिदींवरील भोंगे काढण्यासाठी ३ मे रोजीचा अल्टीमेटम राज ठाकरे (Raj Thackeray) यांनी राज्य सरकारला दिला होता. मात्र, रविवारी औरंगाबादमध्ये झालेल्या सभेत त्यांनी ४ मे ही नवीन तारीख दिली. चार तारखेला मनसे कार्यकर्त्यांनी मशिदींसमोर भोंगे लावून हनुमान चालिसा म्हणू नये म्हणून मुंबई पोलिसांची मनसे कार्यकर्त्यांना कलम १८८ अंतर्गत नोटीस पाठवली आहे. (Mumbai Police issues notice to MNS activists)

मंगळवारी मुस्लिम बांधवांचा पवित्र सण ईद आहे. त्यांच्या सनात कोणत्याही प्रकारचे विष कालवायचे नाही. त्यामुळे ३ मे रोजी भोंग्यांसंदर्भात दिलेली तारीख ४ मे पर्यंत वाढवली. मशिदीवरील भोंगे उतरवले नाही तर ४ मे रोजी काहीही ऐकणार नाही, असे राज ठाकरे (Raj Thackeray) रविवारच्या सभेत म्हटले होते.

हेही वाचा: म्हैस शोधण्यासाठी गेलेल्या आई, मुलींचे मृतदेहच परतले; बुडून मृत्यू

तसेच सोमवारी ट्विट करीत नवे आवाहन केले होते. ‘उद्या (ता. ३) ईद आहे. रविवारच्या संभाजीनगरच्या सभेत त्याबाबतीत मी बोललो आहेच. मुस्लिम समाजाचा हा सण आनंदाने साजरा व्हावा. आधी ठरल्याप्रमाणे अक्षय तृतीया या आपल्या सणाच्या दिवशी कुठेही आरत्या करू नका. आपल्याला कोणाच्याही सणात कोणतीही बाधा आणायची नाही. भोंग्यांचा विषय हा धार्मिक नसून सामाजिक आहे. त्याबाबत आपण पुढे नेमकं काय करायचं; हे मी उद्या माझ्या ट्विटद्वारे (tweet) आपल्यासमोर मांडेन.’ असे ट्विट त्यांनी केले आहे.

४ तारखेला राज ठाकरे यांच्या आवाहनावरून मनसे कार्यकर्ते मशिदींसमोर भोंगे लावून हनुमान चालिसा म्हणू शकतात. यामुळे राज्यातील वातावरण आणखी खराब होऊ शकते. तसेच कायदा व सुव्यवस्थेचा प्रश्न निर्माण होऊ शकतो. याचा विचार करून मुंबई पोलिसांनी (Mumbai police) मनसे कार्यकर्त्यांना कलम १८८ अंतर्गत नोटीस (Notice) बजावली आहे.

हेही वाचा: राहुल गांधींच्या दौऱ्यावरून वाद वाढला; विद्यार्थी पोहोचले हायकोर्टात

नोटीसमध्ये मनसे कार्यकर्त्यांनी मशिदींसमोर लाऊडस्पीकर लावून हनुमान चालिसा म्हणू नये असा उल्लेख करण्यात आला आहे. तसेच मशिदींसमोर महाआरती न करण्याचे आवाहन पोलिसांनी केले आहे. नोटीसनंतरही हनुमान चालिसेचे पठण केले तर कारवाई करण्यात येईल, असे पोलिसांनी म्हटले आहे.

Web Title: Mumbai Police Issues Notice To Mns Activists

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top