नवनीत राणांची ऑडिओ क्लिप व्हायरल; ‘मला विचारून लफडा केला का? Navneet Rana | Sakal
sakal

बोलून बातमी शोधा

Audio clip of Navneet Rana goes viral

नवनीत राणांची ऑडिओ क्लिप व्हायरल; ‘मला विचारून लफडा केला का?

नागपूर : अमरावतीच्या खासदार नवनीत रवी राणा (Navneet Rana) या नेहमीच या ना त्या कारणाने चर्चेत राहतात. सत्ताधारी महाविकास आघाडीवर निशाणा साधणे असो किंवा मुख्यमंत्री उद्धव ठाकरे यांच्यावर टीका असो. राणा यांची नेहमीच चर्चा होते. आताही त्या चर्चेत आल्या आहेत. मात्र, त्यांनी केलेल्या आक्षेपार्ह संभाषणाच्या ऑडियोमुळे (Audio clip). या संभाषणामुळे त्यांना राज्य महिला आयोगाने नोटीस (State Womens Commission) बजावून खुलासा मागितला आहे, हे विशेष... (Audio clip of Navneet Rana goes viral)

युवा स्वाभिमान पार्टीच्या पदाधिकाऱ्याने आपली फसवणूक केल्याची तक्रार महिलेने खासदार नवनीत राणा (Navneet Rana) यांच्याकडे केली होती. त्यासाठी त्यांनी खासदार राणा यांना फोन करून माहिती दिली व पदाधिकाऱ्याला समज द्यावी, अशी विनंती केली होती. मात्र, नवनीत राणा यांनी महिलेची उलट तपासणी करीत ‘तुम्ही मला विचारून लफडा केला का’ असा उलट प्रश्न विचारला.

हेही वाचा: नवनीत राणांनी केले आक्षेपार्ह संभाषण; महिला आयोगाने बजावली नोटीस

नवनीत राणा (Navneet Rana) यांनी कैफियत ऐकून घेतली नाही म्हणून महिलेने राज्य महिला आयोगाकडे तक्रार केली होती. राज्य महिला (State Womens Commission) आयोगाच्या अध्यक्ष रूपाली चाकणकर यांनी तक्रारीची दखल घेत खासदार राणा यांना नोटीस बजावत उत्तर मागितले आहे. आता हे प्रकरण कोणे वळण घेणार, हे नवनीत राणांच्या उत्तरानंतर कळणार आहे.

नवनीत राणा अडचणीत येणार?

खासदार नवनीत राणा (Navneet Rana) यांची मोबाईलवरील संभाषणाची ऑडिओ क्लिप (Audio clip) सध्या प्रचंड व्हायरल होत आहे. खासदार या नात्याने त्यांच्या भागातील पीडितांनी किंवा महिलांनी त्यांच्याकडून अपेक्षा करू नये का, असा प्रश्न यानिमित्त उपस्थित होत आहे. आपल्या बेधडक आणि रोखठोक वक्तव्यासाठी ओळखल्या जाणाऱ्या नवनीत राणा या प्रकरणात अडचणीत येण्याची शक्यता वर्तवली जात आहे.

Web Title: Navneet Rana Audio Clip Viral Amravati District State Womens Commission

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top