नवनीत राणांनी केले आक्षेपार्ह संभाषण; महिला आयोगाने बजावली नोटीस

Navneet Rana
Navneet Ranae sakal

नागपूर : अमरावती जिल्ह्यातील खासदार नवनीत राणा यांच्या युवा स्वाभिमान पक्षाच्या प्रदेशाध्यक्षाने पत्नी आणी १८ महिन्यांच्या मुलीला वाऱ्यावर सोडून दुसऱ्या स्त्रीसोबत घरठाव केला. महिलेने तक्रार करण्याचा प्रयत्न केला असता खासदार नवनीत राणा यांनी तिच्यासोबत आक्षेपार्ह भाषेत संभाषण केले. यासंदर्भात महिलेने राज्य महिला आयोगाकडे तक्रार केली. यानंतर नवनीत राणा (Navneet Rana) यांना नोटीस बजावून खुलासा मागितल्याचे राज्य महिला आयोगाच्या अध्यक्ष रूपाली चाकणकर (Rupali Chakankar) यांनी सांगितले. (Notice issued by the Women's Commission To Navneet Rana)

अमरावती जिल्ह्यातील महिलेची तक्रार राज्य महिला आयोगाला १७ जानेवारी रोजी प्राप्त झाली होती. तक्रारीची दखल घेत राज्य महिला आयोगाने संबंधित पोलिस ठाण्याला कारवाई करण्याचे निर्देश दिले होते. पतीने आपल्याला अंधारात ठेवून दुसरा विवाह केला आणि १८ महिन्यांच्या मुलीला वाऱ्यावर सोडले, असा आरोप महिलेने केला होता. या प्रकरणातील सर्वाधिक धक्कादायक बाब म्हणजे हा पदाधिकारी नवनीत राणा (Navneet Rana) यांच्या युवा स्वाभिमान पार्टीचा प्रदेशाध्यक्ष आहे. राणा यांनी महिलेची तक्रार ऐकून न घेता आरोपीला पाठीशी घालण्याचे काम केल्याचे महिलेचे म्हणणे आहे.

Navneet Rana
डान्सच्या नावावर तरुणींचा ‘विवस्त्र डान्स’; १०० रुपये तिकीट

महिलेने नवनीत राणा यांना फोन केला असता नंबर ब्लॉक करण्यात आला. त्यानंतर दुसऱ्या नंबरवरून खासदार राणा यांना फोन केला असता, त्यांनी आक्षेपार्ह भाषेत महिलेशी संवाद साधला. खासदार राणा यांनी जे संभाषण केले, ते अतिशय अश्लील होते आणि ते मानहानी करणारे होते अशी तक्रार महिलेने राज्य महिला आयोगाकडे केली आहे. तसेच नवनीत राणा यांच्यावर कारवाई करण्याची मागणी महिलेने केली आहे.

नवनीत राणा नोटीसला काय उत्तर देतात?

खासदार नवनीत राणा (Navneet Rana) यांनी तक्रार ऐकूनही घेतली नाही आणि आरोपीला पाठीशी घातले. परंतु, महिलेने हार न मानता राज्य महिला आयोगाचा दरवाजा ठोठावला. आता नवनीत राणा नोटीसला काय उत्तर देतात? हे प्रकरण काय वळण घेते? याकडे अमरावती जिल्ह्याचे लक्ष लागलेले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com