Ajit Pawar News : 'अजित पवार भाजप बरोबर जाणार….'; 'त्या' ट्वीटमुळे राजकीय वर्तुळात खळबळ

महाराष्ट्राच्या राजकीय वर्तुळात सामाजिक कार्यकर्त्या अंजली दमानिया यांच्या एका ट्विटन खळबळ उडाली आहे. राज्याचा सत्तासंघर्षावर अद्याप सर्वोच्च न्यायालयाचा निकाल येणे बाकी आहे. यादरम्यान राज्यात राजकीय उलथापालथ होणार अशी चर्चा सुरू असताना दामानिया यांचं ट्वीट चांगलंच चर्चेत आलं आहे.

न्यायालयाच्या न्यायालयात एकनाथ शिंदे गटातील 16 आमदारांच्या अपात्रतेबाबतच्या निकाल आल्यानंतर राज्यातील सत्तासमीकरणात काय बदल होणार याकडे सर्वांचं लक्ष लागलं आहे. याच पार्श्वभूमिवर सध्या राजकीय हलचालींना वेग आला आहे.

अंजली दमानिया काय म्हणाल्यात..

"आज मंत्रालयात कामानिमित्त गेले होते. तिथे एका व्यक्तीने मला थांबवलं आणि एक गमतीशीर माहिती त्यांनी दिली. त्यांच्या म्हणण्याप्रमाणे, 15 आमदार बाद होणार आहेत, आणि अजित पवार भाजप बरोबर जाणार आहेत.... तेही लवकरच. बघू..... आणि किती दुर्दशा होतेय महाराष्ट्राच्या राजकारणाची..." असं ट्वीट दमानिया यांनी केलं आहे.

हेही वाचा - सामान्यांचा पैसा सुरक्षित ठेवण्यासाठीच Virtual Currency करकक्षेत

दरम्यान काल उद्धव ठाकरे यांनी रात्री शरद पवार यांची भेट घेतली. ही भेट राजकीय दृष्ट्या महत्वाची समजली जात आहे. महाविकास आघाडी आणि त्यांच्यात गेल्या काही दिवसांपासून सुरू असलेली कुरबूर हा राजकीय वर्तुळात सध्या चर्चेचा विषय ठरत आहे. त्याच पार्श्वभूमीवर उद्धव ठाकरे शरद पवारांच्या भेटीला पोहोचले होते.