ईडीचा मोर्चा प्राजक्त तनपुरेंकडं! महाराष्ट्र सहकारी बँकप्रकरणी चौकशी

गेल्या चार तासांपासून चौकशी सुरु
Prajakt Tanpure
Prajakt Tanpure

मुंबई : महाविकास आघाडीतील नेत्यांना ईडीकडून समन्स बजावले जात आहेत, यामध्ये आता राष्ट्रवादी काँग्रेसचे नेते प्राजक्त तनपुरे यांचाही समावेश झाला आहे. ईडीकडून तनपुरे यांची चार तास चौकशी झाली. महाराष्ट्र राज्य सहकारी बँक घोटाळा प्रकरणी त्यांना ईडीनं समन्स बजावलं होतं. सुत्रांनी याबाबत माहिती दिली आहे. आज दुपारी 12 वाजता तनपुरे ईडीच्या कार्यालयात दाखल झाले होते.

महाविकास आघाडीच्या नेत्यांवर एक एक करत ईडी आपला फास आवळताना दिसतेय. अनिल देशमुख, अनिल परब, एकनाथ खडसे आणि भावना गवळींनंतर आता ईडीनं आपला मोर्चा राज्यमंत्री प्राजक्त तनपुरे यांच्याकडे वळवला आहे. आर्थिक गैरव्यवहार आणि बेकायदेशिर व्यवहार प्रकरणांमध्ये प्रजक्त तनपुरे यांची ईडी मार्फत चौकशी केली जात आहे. हे आर्थिक गैरव्यवहार प्रकरण महाराष्ट्र को-ऑपरेटीव्ह बँकेनं वाटलेल्या कर्जातील घोटाळ्याप्रकरणाशी संबंधीत असल्याचं बोललं जात आहे.

Prajakt Tanpure
सीरमकडून कोविशिल्डचं उत्पादन कमी होणार; पूनावालांचा महत्वाचा निर्णय

महाराष्ट्र सहकारी बँकेनं अनेक साखर कारखान्यांना कर्ज दिली आहेत. या कर्ज वाटपात मोठा भ्रष्टाचार करण्यात आला होता. तसंच प्राजक्त तनपुरे यांनी नगरमधील राम गणेश गडकरी साखर कारखाना ज्याची मूळ किंमत 26 कोटी रुपये आहे तो 12 कोटीत विकत घेतला होता. या कारखान्यालाही महाराष्ट्र बँकेनं मोठं कर्ज दिलेलं होतं. या व्यवहारात मोठा घोटाळा झाल्याची ईडीला संशय आहे. त्यासाठी प्राजक्त तनपुरे यांची कसून चौकशी केली जात आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com