"ताईंनी सल्ला देण्यापेक्षा घरात कोण किती भ्रष्टाचार करतंय याचं स्पष्टीकरण द्यावं"

मुंबई : आम्ही ज्या पद्धतीने कोकणात जाणाऱ्या गणेशभक्तांची सेवा करतो, त्या पद्धतीने कोणताच पक्ष गणेशभक्तांची सेवा करत असेल असं मला वाटत नाही असं वक्तव्य भाजपचे आमदार नितेश राणे यांनी केलं आहे. उद्धव ठाकरे आणि महाविकास आघाडी सरकारच्या काळात हिंदूंच्या सणावर बंधने आले असा गंभीर आरोप केले आहेत. त्याचबरोबर रोहित पवारांवरील ईडी कारवाईसंदर्भात सुद्धा त्यांनी वक्तव्य केलं आहे.

(Nitesh Rane Latest News Updates)

"सुप्रिया ताईंनी सगळ्या बाबतीत सल्लामसलत करण्यापेक्षा आपल्या घरात कोण किती भ्रष्टाचार करतंय यासंदर्भात कधीतरी स्पष्टीकरण दिलं पाहिजे, कारण ईडी लहान मुलांची नर्सरी नाही, कुणाला नाही आवडलं तरी चॉकलेट हातात द्यायची. त्यांच्याकडे काही पुरावे आहेत त्यामुळे ते नोटिसा पाठवत असतात. त्यामुळे रोहित पवारांनी बायडेन, रशिया, युक्रेनबद्दल बोलण्यापेक्षा त्यांच्या बुडाखाली किती आग लागली ते पहावं." अशा शब्दांत नितेश राणे यांनी टीका केली आहे.

दरम्यान, चंद्रकांत खैरे यांनी आज औरंगाबाद येथे बोलताना शिंदे गटाचे आमदार अस्वस्थ झाले असून त्यांचे आम्हाला फोन येतात आणि माफी मागतात. तब्बल १० ते १५ आमदार आमच्या संपर्कात असून आम्ही त्यांना शिवसेनेकडे येण्यासाठी ऑफर दिली." असं खैरे म्हणाले होते. त्यानंतर नितेश राणे यांनी त्यांच्यावर निशाणा साधत तुमच्याकडे राहिलेले १०-१५ आमदार शिवसेनेत राहतात का हे तुम्ही पहा." असा टोला राणे यांनी लावला होता.

दरम्यान, राष्ट्रवादीचे नेते अमोल मिटकरी यांनी पंकजा मुंडेंना राष्ट्रवादीत येण्याचा सल्ला दिला असून "त्यांनी आपल्या स्वपक्षाकडे पहावं, आम्हाला सल्ले देऊ नये.'' असा पलटवार आमदार नितेश राणे यांनी केला आहे.