बोगस मजूर प्रकरण : दरेकरांना अटक होऊन मिळणार तत्काळ जामीन | Sakal
sakal

बोलून बातमी शोधा

Pravin Darekar Bogus Labour Case

बोगस मजूर प्रकरण : दरेकरांना अटक होऊन मिळणार तत्काळ जामीन

मुंबई : विधान परिषदेचे विरोधी पक्षनेते प्रवीण दरेकर (Pravin Darekar) यांना बोगस मजूर प्रकरणात आज अटक होणार आहे. त्यानंतर त्यांना तत्काळ जामीन देखील मिळणार आहे. या गुन्ह्यात दिलासा मिळाल्यानंतर हायकोर्टाने तसे आदेश दिले होते. त्यासाठी दरेकर पोलिस ठाण्यात जायला निघाले आहेत.

हेही वाचा: Video: बोगस मजूर प्रकरणी दरेकरांना अटकपूर्व जामीन, Prasad Lad यांचा सरकारला टोला

प्रवीण दरेकर यांना अटक झाल्यास तत्काळ जामिनावर सुटका करण्याचे आदेश हायकोर्टाने दिले होते. त्यामुळे दरेकर यांना अटक दाखवून त्यांच्या जामिनाची प्रक्रिया पोलिस ठाण्यातच पार पाडली जाणार आहे. ३५ हजार रुपयांच्या जात मुचलक्यावर हा जामीन होईल. थोड्याच वेळात दरेकर हे एम आर ए मार्ग पोलिस ठाण्यात येणार आहेत. यापूर्वी त्यांनी माध्यमांसोबत संवाद साधताना महाविकास आघाडी सरकारवर गंभीर आरोप केले आहेत. सरकारने राजकारण करत मला अडकवले. पोलिस ठाण्यात जास्तीत जास्त जाण्याची ड्युटी सरकारने आमच्यामागे लावली आहे. मला न्यायालयाकडून दिलासा मिळाला आहे. फक्त कायदेशीर प्रक्रिया पूर्ण करण्यासाठी पोलिस ठाण्याला जात आहे, असं दरेकर म्हणाले.

मुंबई जिल्हा बँकेवर संचालक होऊन महापालिका अटींचे उल्लंघन करतात. विष्णू घुमरे यांचे महापालिकेने निलंबन केले आहे. मजूर सदस्य म्हणून माझ्यावर कारवाई केली जाते. मग विष्णू घुमरे यांच्यावरील कारवाईला इतका विलंब का झाला? असा सवालही दरेकर यांनी उपस्थित केला.

येत्या शनिवारी होणाऱ्या उद्धव ठाकरेंच्या सभेवरून देखील दरेकरांनी टीका केली आहे. उद्धव ठाकरे हे हिंदुत्वाकडे वळत असतील तर स्वागत आहे. त्यांची सभा टोमणा मारणारी होऊ नये. टोमण्याशिवाय सभेत काही असेल असे मला वाटत नाही. आपला राग क्षमवण्याचा प्रयत्न उद्धव ठाकरे करतील. असली नकली बाबत राज ठाकरे यांच्यावर कॉपी केली म्हणून टीका केली. आता राज ठाकरे यांच्या सभेची कॉपी शिवसेनेला करावी लागली. हिंदू जननायक या शब्दाचीही उद्धव ठाकरे यांनी कॉपी केली आहे. त्यांनी कॉपी करण्यापेक्षा बाळासाहेब ठाकरे यांचे विचार आणावेत, असं प्रविण दरेकर म्हणाले.

Web Title: Pravin Darekar Arrest And Get Bail In Bogus Labour Case Mumbai Bank

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pravin Darekar
go to top