NCP Political Crisis: 'असे कोणते तीर्थ शिंपडले आणि ते पवित्र झाले?' आर आर आबांचा प्रश्न आजही अनुत्तरीत, रोहित पवारांनी शेअर केला व्हिडीओ

Rohit Pawar Share's R R Patil's Video : नुकतेच अजित पवार काही आमदारांसह शिंदे भाजप सरकार सोबत गेले. त्यामुळे राष्ट्रवादीत फूट पडली. काही आमदार शरद पवार यांच्या सह आहेत तर काही अजित पवार यांच्यासोबत आहेत. पण यापूर्वीही राष्ट्रवादीतून आमदार इतर पक्षांमध्ये गेले आहेत.

दहा वर्षांपूर्वी भाजप सत्तेत आल्यावर काही राष्ट्रवादीचे नेते पक्ष सोडून सत्ताधारी पक्षात गेले. त्यावळी राष्ट्रवादीचे नेते आर आर पाटील यांनी जाहिर सभेत जे भाषण केले होते, त्याचा व्हिडीओ राहित पवार यांनी ट्वीटरवर शेअर केला आहे.

हा व्हिडीओ शेअर करताना त्यांनी लिहिले आहे की, १० वर्षांपूर्वी आर आर आबांनी विचारलेले प्रश्न आजही अनुत्तरीत आहेत. या व्हिडीओचा संबंध थेट आजच्या परिस्थितीशी मिळता जुळता असल्याचे यातून सुचित होते.

या व्हिडीओमध्ये आर आर पाटील विचारत आहेत की, "ज्यांच्यावर आजपर्यंत भ्रष्टाचाराचे आरोप भाजपने केले आज त्यांना स्वतःच्या पक्षात घेतले आहे. मग त्यांच्यावर असे कोणते तीर्थ त्यांनी शिंपडले की, ज्यामुळे ते पवित्र झाले आहेत?"

याबरोबरच त्यांनी म्हटले होते की, "आया राम गया राम संस्कृतीला खतपाणी घालण्याचे काम भारतीय जनता पक्षाने केले आहे. आजवर हे लोक आमचा पक्ष साधूसंतांचा पक्ष असा दावा करत होते. पण अलिकडच्या काळात भारतीय जनता पक्ष हा साधूसंतांचा पक्ष नसून संधी साधूंचा पक्ष आहे हे सिद्ध झाले आहे."