रायगडावरून हत्ती तलावाबाबत आनंदाची बातमी! संभाजीराजे म्हणाले,'असे क्षण खूप कमी'

सूरज यादव
शनिवार, 11 जुलै 2020

संभाजीराजे छत्रपती म्हणाले की, "असे क्षण जीवनात खूप कमी येतात! ज्याचं समाधान आयुष्यभर लाभतं. सर्व शिवभक्तांना सांगताना आनंद होत आहे, की रायगड प्राधिकरणच्या माध्यमातून आपण जे काही काम हाती घेतले, त्याला यश येत आहे.

रायगड - रायगडवर असलेला हत्ती तलाव पाण्यानं पूर्ण भरला आहे. स्थानिक रहिवाशांच्या मते गेल्या दीडशे वर्षांत तो पहिल्यांदाच पुर्ण क्षमतेनं भरला आहे. याबाबत खासदार संभाजीराजी छत्रपती यांनी प्रतिक्रिया देताना म्हटलं की, "असे क्षण जीवनात खूप कमी येतात! ज्याचं समाधान आयुष्यभर लाभतं.  सर्व शिवभक्तांना सांगताना आनंद होत आहे, की रायगड प्राधिकरणच्या माध्यमातून आपण जे काही काम हाती घेतले, त्याला यश येत आहे. हत्ती तलावाचे 80% काम पूर्ण झाले असून तलावाला अजूनही एक जागेत गळती आहे. त्या गळतीचा व्यवस्थित अभ्यास करून ती सुद्धा काढून घेतली जाईल."
 

#हत्ती_तलाव_पुर्णक्षमतेने_पाण्याने_भरला काही दिवसांपूर्वी आपल्या पेजवर गडावरील हत्ती तलावाची गळती काढण्या विषयी सविस्तर...

Posted by Raigad Development Authority on Friday, 10 July 2020

संभाजीराजेंच्या अध्यक्षतेखाली 'रायगड विकास प्राधिकरण' च्या माध्यमातून रायगड किल्ल्याच्या जतन आणि संवर्धनाचे काम सुरू आहे. गडावर असलेल्या तलाव व टाक्यामध्ये वर्षानुवर्षे गाळ साचल्यामुळे त्यांची जलधारण क्षमता खुप कमी झाली होती.तसेच तलावांना ठिकठिकाणी गळती लागल्यामुळे साठलेल्या पाण्याचा मोठ्याप्रमाणात अपव्यय होत होता. त्यामूळे प्राधिकरणाच्या स्थापनेनंतर सर्वप्रथम गडावरील महत्वाच्या तलावातील, टाक्यातील गाळ काढण्याचे काम हाती घेण्यात आले होते. प्रथम टप्प्यात प्राधिकरणा मार्फत गडावरील 84 पैकी 21लहान मोठे टाके व तलाव यातील गाळ काढण्याचे निश्चिंत करण्यात आले.

हे वाचा - वाट बघतोय रिक्षावाला! पुणेकरांच्या सेवेसाठी लॉकडाऊनमध्ये 500 रिक्षा उपलब्ध

हत्ती तलावाला अजूनही फक्त एका ठिकाणी अगदी छोट्या प्रमाणात गळती आहे. कोरोनामूळे व खास हत्ती तलावासाठी तयार केलेले गळती काढण्याचे मशिन खराब झाल्याने येथील काम करता आले नाही. पण ती गळतीसुध्दा लवकर काढण्यासाठी प्रयत्न केले जाणार असल्याची माहिती देण्यात आली. हत्ती तलावाची गळती काढण्याचे काम मागील पावसाळ्यानंतर सुरू करण्यात आले होते. मागील पावसाळ्यानंतर या सर्व गाळ काढण्याच्या कामांचे सकारात्मक परिणाम आपल्याला दिसून येत आहेत. त्यामूळे उरलेल्या सर्व टाक्यांचा गाळ व गळती काढण्याची कामे पुर्ण करण्यावर भर देण्यात येणार आहे.

हे वाचा - लॉकडाउनच्या काळात पुण्यातून रेल्वे, विमान वाहतूक सुरू राहणार का? जाणून घ्या

तलावातील नैसर्गिक कातळावर पाणी आडवण्याकरता जी भिंत बाधंण्यात आली होती त्यातील सांध्याच्या जागेवरील बांधकामाचे(दोन दगडा मधील) मिश्रण मृत झाले आहे. ते मिश्रण नव्याने त्या सांध्याच्या जागेवर भरणे गरजेचे आहे ज्यामुले ही गळती पुर्णपणे बंद होण्यास मदत होईल. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: raigad hatti talaw full water after repair and remove leakage