सोलापूर : केंद्रीय गृहमंत्री अमित शहा यांच्या उपस्थितीत आज, काँग्रेस आणि राष्ट्रवादी काँग्रेसमधील दिग्गज नेत्यांचा भाजप प्रवेश होणार होता. पण, सभा स्थळी दुपारपासूनच मुसळधार पावसाला सुरुवात झाली होती. त्यामुळे भाजपच्या स्थानिक कार्यकर्त्यांच्या चेहऱ्यावर चिंता दिसत होती.
कार्यकर्ते मैदान सोडू लागले
दरम्यान, काही वेळापूर्वी सभेच्या ठिकाणी पावसाचा जोर वाढल्यामुळे भाजपच्या काही कार्यकर्त्यांनी मैदान सोडण्यास सुरुवात केली आहे. काहीवेळी मैदानातील कार्यकर्त्यांनी डोक्यावर खुर्च्या घेऊन पावसापासून बचाव करण्याचा प्रयत्न केला. पण जोर वाढल्यानंतर मागील बाजूच्या कार्यकर्त्यांनी मैदान सोडण्यास सुरुवात केली. तर, पुढच्या बाजूला कार्यकर्ते छत्री आणि रेनकोटच्या साह्याने तग धरून आहेत.
अमित शहा यांच्या उपस्थितीत आज, कोल्हापूरचे धनंजय महाडिक, उस्मानाबादचे राणा जगजितसिंह आणि साताऱ्यातील जयकुमार गोरे यांचा भाजपमध्ये प्रवेश होणार आहे. या प्रवेशाच्या निमित्ताने तिन्ही नेत्यांनी शक्तीप्रदर्शनाचा प्रयत्न केला आहे. तिन्ही नेत्यांचे कट्टर कार्यकर्ते मोठ्या प्रमाणावर सोलापुरात सभेसाठी दाखल झाले आहेत. त्यांनी सभास्थळी हजेरी लावली आहे.
नेत्यांचे शक्तीप्रदर्शन
कोल्हापुरात धनंजय महाडिक यांचे काका महादेवराव महाडिक यांच्या नेतृत्वाखालील ताराराणी आघाडीचे महापालिकेत नगरसेवक आहेत. या १९ नगरसेवकांसह महाडिक यांच्या धनंजय महाडिक युवाशक्तीच्या कार्यकर्त्यांचाही भाजपमध्ये प्रवेश होणार आहे. हे कार्यकर्ते आज प्रवेश करणार नसले तरी, त्यांनी सभा स्थळी मोठ्या संख्येने हजेरी लावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
