कोयना धरणात 83 TMC साठा; जलाशयात प्रतिसेकंद दोन हजार 586 क्युसेक पाण्याची आवक, महाबळेश्वरात 21 MM पाऊस

पाटण : कोयना धरण (Koyna Dam) पाणलोट क्षेत्रासह तालुक्यात सलग पाचव्या दिवशी पावसाने विश्रांती घेतली आहे. गेल्या २४ तासांत कोयनानगर येथे १९ मिलिमीटर, नवजा व महाबळेश्वरला (Mahabaleshwar) २१ मिलिमीटर पावसाची नोंद झाली आहे.

कोयना धरणाचा एकूण पाणीसाठा ८२.९८ टीएमसी झाला असून, जलाशयात प्रतिसेकंद दोन हजार ५८६ क्युसेक पाण्याची आवक होत आहे. पावसाने विश्रांती घेतली असल्यामुळे जलाशयात होणारी पाण्याची आवक कमी झाली आहे.

तालुकानिहाय पावसाची आकडेवारी मिलिमीटरमध्ये अशी : सातारा ४५७, जावळी ८११, पाटण ८५९, कऱ्हाड २४२, कोरेगाव १९४, खटाव १४७, माण ११८, फलटण ८९, खंडाळा १३४, वाई ३२८, महाबळेश्‍वर २३१८. या सर्वांची सरासरी ७६.१ टक्के आहे.

धरणांची स्थिती

धरणाचे नाव - उपलब्ध पाण्याची टक्केवारी

• कोयना - ८२.९८

• धोम - ८२.९८

• धोम - बलकवडी ८७.३७

• कण्हेर - ७७.३७

• उरमोडी - ६२.२८

• तारळी - ८५.४५.