Rajiv Gandhi stayed at Mumbai Raj Bhavan before his tragic death in 1991 : भारताचे माजी पंतप्रधान दिवंगत राजीव गांधी यांची आज जयंती आहे. त्यानिमित्त त्यांच्या आठवणींना उजाळा देताना मुंबईतील राजभवनाशी असलेला त्यांचा विशेष संबंध पुन्हा एकदा चर्चेत आला आहे. खरं तर राजीव गांधी यांचा जन्म १९४४ साली मुंबईतील ब्रीच कँडी रुग्णालयात झाला होता. त्यांचे आजोबा पंडित जवाहरलाल नेहरू आणि आई इंदिरा गांधी यांच्यासोबत लहानपणी ते अनेकदा राजभवनात आलेले होते.