...तरंच संभाजीराजेंचा मान शिवसेना ठेवू शकेल; दानवेंचा राऊतांना सल्ला | Raosaheb Danve News | Sakal
sakal

बोलून बातमी शोधा

Raosaheb Danve News

...तरंच संभाजीराजेंचा मान शिवसेना ठेवू शकेल; दानवेंचा राऊतांना सल्ला

मुंबई : राज्यसभेची निवडणूक अपक्ष लढवणार असल्याचं संभाजी राजे छत्रपती यांनी स्पष्ट केलं आहे. शिवसेनेकडून आलेली ऑफर त्यांनी धुडकावून लावत अपक्ष लढण्यावर ते ठाम आहेत. दरम्यान शिवसेनेच्या दोन जागेपैकी पहिल्या जागेवर जी मत पक्की आहेत त्या जागेवर संभाजीराजेंना उमेदवारी दिली पाहिजे असं मत भाजपाचे रावसाहेब दानवे यांनी व्यक्त केलं आहे.

(Raosaheb Danve News)

हेही वाचा: औरंगाबादमध्ये बॅनर वॉर; भाजपच्या मोर्चाचे बॅनर अज्ञातांनी फाडले

भाजपाचे रावसाहेब दानवे माध्यमांना बोलत होते. ज्या जागेवरची मतं पक्के आहेत त्या जागेवर संभाजीराजेंना उमेदवारी दिली पाहिजे आणि सहाव्या नंबरवर संजय राऊतांनी जावं. तरंच संभाजी राजेंचा मान राखला जाईल असं ते म्हणाले. "केंद्र सरकारने पेट्रोलचे भाव कमी झाल्यावरून ते म्हणाले कोणत्याही देशाचं सरकार पेट्रोलचे भाव कमी करू शकत नाही. कोणत्याही पक्षाचे सरकार असलं तरी एका दिवसात दोन वेळा भाव वाढवण्याची किंवा कमी करण्याची पद्धत नाही. पेट्रोलचे भाव कोणतेही सरकार ठरवत नाही. आंतरराष्ट्रीय बाजारातील भावावरून पेट्रोलचे भाव ठरत असतात. राज्य आणि केंद्र सरकारकडून आकारला जाणारा कर कमी केला तर भाव कमी होत असतात." असं दानवे म्हणाले.

हेही वाचा: औरंगाबादेत पाणीप्रश्न गंभीर; आठवड्यातून फक्त 45 मिनिटं पाणीपुरवठा

पंतप्रधान मोदींनी त्यावेळी आश्वासन दिलं होतं. त्यावरून केंद्राने कर कमी केला तसंच भाजपाशासित राज्यानेसुद्धा पेट्रोलवरील कर कमी करून जनतेला आधार दिला आहे. इतर राज्याबरोबर महाराष्ट्राने देखील कर कमी करायला पाहिजे असं दानवे म्हणाले आहेत. आत्ता सध्या जो कर कमी करण्यात आला आहे त्याचा कोणताही परिणाम दिसत नाही असा टोला त्यांनी लावला आहे.

Web Title: Raosaheb Danve Rajyasabha Election Sambhajiraje Sanjay Raut

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top