महाविकास आघाडी भाजपला रोखू शकत नाही, रावसाहेब दानवे यांचे खुले आव्हान

जालना : महाविकास आघाडी भाजपला रोखू शकत नाही, असे आव्हान केंद्रीय राज्यमंत्री रावसाहेब दानवे (Raosaheb Danve) यांनी दिले. आज बुधवारी (ता.१५) जालना (Jalna) येथे भाजपच्या वतीने जल आक्रोश मोर्चा काढण्यात आला. यावेळी झालेल्या सभेत ते बोलत होते. या राज्यात अमित शहा, नरेंद्र मोदी आले. त्यांनी सांगितले की देवेंद्र फडणवीस हे मुख्यमंत्री असतील. आपल्या मतांची चोरी झाली. दगाफटका झाला. आम्ही शेतकरी लोक आहोत. आमदार, खासदार हे या जनतेचा सालदार असतात. (Raosaheb Danve Says, Mahavikas Aghadi Can Not Stop BJP)

शिवसेनेने पाच कामे सांगावे जे केले? मी पाच काय दहा कामे सांगतो, असे दानवे म्हणाले. जालना शहराला सिमेंटचा रिंगरोड नाही. देशातील ड्रायपोर्ट येथे होत आहे. आमचे शासन असते तर समृद्धी महामार्ग पूर्ण झाला असता. आम्ही नागपूर आणि मुंबईला गेलो, तर सिमेंटचा रस्ता आहे, असे दानवे म्हणाले.

या मोर्चात भाजपचे जिल्हाध्यक्ष आमदार संतोष दानवे, आमदार नारायण कुचे, जिल्हा उपाध्यक्ष भास्कर दानवे यांच्यासह भाजपा पदाधिकारी, कार्यकर्ते, नागरिक मोठ्या संख्येने सहभागी झाले होते.