"पुढच्या दोन महिन्यात फडणवीस पुन्हा मुख्यमंत्री होणार" : रवी राणा

विधानपरिषदेच्या निवडणुकीत भाजपच्या पाचही उमेदवारांची वर्णी लागली आहे.
mla ravi rana
mla ravi rana

मुंबई : विधानपरिषदेचा निकाल अखेर जाहीर झाला असून भाजपने पाचही जागांवर दणदणीत विजय मिळवला आहे. त्यानंतर भाजपच्या गोटातून विजयी जल्लोष व्यक्त केला जात आहे. यामध्ये काँग्रेसच्या चंद्रकांत हंडोरे यांचा पराभव झाला असून महाविकास आघाडीच्या पाच उमेदवारांनी विधानपरिषदेवर वर्णी लावली आहे. भाजपच्या विजयानंतर अपक्ष आमदार रवी राणा यांनी आपली प्रतिक्रिया व्यक्त केलीय.

(Ravi Rana On MLC Election Result)

mla ravi rana
MLC Election 2022 Result: 'किंगमेकर फडणवीसच'; भाजपचा पाचही जागांवर विजय

"पुढच्या दोन महिन्यात देवेंद्र फडणवीस पुन्हा मुख्यमंत्री होणार आहेत. त्यासाठी लवकरच अविश्वास ठराव आणणार आहोत." असं अपक्ष पण भाजपला जाहीर पाठिंबा असलेले आमदार रवी राणा यांनी सांगितलं आहे. दरम्यान विधानपरिषदेच्या मतदानात काँग्रेसचे आणि शिवसेनेचे आमदार फुटले आहेत. शिवसेनेचे तब्बल १२ तर काँग्रेसचे ३ आमदार फुटले असल्याचं बोललं जातंय. तर भाजपचे प्रवीण दरेकर यांनी महाविकास आघाडीतील आमदारांनी सरकारवरील राग व्यक्त केला असल्याचं सांगितलं आहे.

mla ravi rana
"याची जबाबदारी मी स्विकारतो"; मतफुटीवर बाळासाहेब थोरात म्हणाले...

काँग्रेसच्या मतफुटीवर जेष्ठ नेते बाळासाहेब थोरात यांनी नाराजी व्यक्त केली असून यासंदर्भात आम्हाला आत्मपरिक्षण करण्याची गरज असल्याचं सांगितलं आहे. तर या विजयानंतर भाजपच्या अनेक नेत्यांनी महाविकासआघाडीवर निशाणा साधला आहे.

दरम्यान विधानपरिषद निवडणुकीचा निकाल पार पडला असून महाविकासआघाडीचे पाच तर भाजपचे पाच उमेदवार विजयी झाले आहेत. तर काँग्रेसचे चंद्रकांत हंडोरे यांचा पराभव झाला आहे. राष्ट्रवादीचे एकनाथ खडसे, भाजपचे राम शिंदे, भाजपचे प्रविण दरेकर, शिवसेनेचे आमशा पाडवी, भाजपचे उमा खापरे, भाजपचे श्रीकांत भारतीय, शिवसेनेचे सचिन अहिर, राष्ट्रवादीचे रामराजे निंबाळकर, भाजपचे प्रसाद लाड आणि काँग्रेसचे भाई जगताप विजयी झाले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com