Rohit Pawar addressing the media while dismissing claims made by VSR Company owner Vijaykumar Singh regarding Ajit Pawar’s travel.
esakal
Rohit Pawar Rejects Vijaykumar Singh’s Claim : उपमुख्यमंत्री अजित पवार यांचे विमान अपघातात झाल्यानंतर, हा खरंच अपघात होता की घातपात? असे प्रश्न निर्माण होवू लागले आहेत. याच पार्श्वभूमीवर आज(मंगळवार) राष्ट्रवादी काँग्रेस पार्टी – शरदचंद्र पवार पक्षाचे आमदार रोहित पवार यांनी अतिशय महत्त्वपूर्ण पत्रकारपरिषद घेतली. यामध्ये त्यांनी अनेक मुद्दे मीडियासमोर मांडले. शिवाय संबंधित विमान कंपनीच्या मालकाने या भीषण अपघातानंतर केलेले विधानही खोडून काढले.
रोहित पवार यांनी मीडियाला दाखवलेल्या पीपीटीमध्ये सांगितले की, ‘’स्थानिकांच्या प्रतिक्रिया तसेच समोर आलेले सीसीटीव्ही फुटेज बघता, कंपनीच्या मालकाचा दावा पूर्णपणे खोटा ठरत असून यांत्रिक बिघाड झाला असावा हे स्पष्ट होते.’’
1) विमानात काय बिघाड झाला होता? मॅकेनिकल फेल्युअर झाले असेल का?
2) टेक-ऑफ पूर्वी विमान चेक करण्यात आले नव्हते का? चेक करणारे कर्मचारी कोण?
3) विमानाचा Techlog कुठे आहे/ विमानाचा Airworthy Report कुठे आहे?
4) विमानाचा Routine(line) Manitance झाला नव्हता का? कोणी केला होता? Hanger CCTV?
5) विमानाचा Heavy(Base) Manitanance कधी झाला होता? त्याचा रिपोर्ट? असे प्रश्न रोहित पवार यांनी उपस्थित केले आहेत.
अपघातानंतर, VSR कंपनीचे मालक विजयकुमार सिंग यांनी प्रतिक्रिया देताना, विमान चांगल्या स्थितीत होते आणि मेटेंड होते. वैमानिक अनुभवी होते. अपघात व्हिसिबिलटी इशूमुळे झाल्याची शक्यता आहे. असे स्पष्ट केले होते
