'आमच्या हातात २ दिवस ईडी द्या, फडणवीससुद्धा शिवसेनेला मतदान करतील'

पंकजा मुंडेंना एकाकी पाडण्याचं भाजपचा डाव आहे असं राऊत म्हणाले आहेत.
rajya sabha election result sanjay raut
rajya sabha election result sanjay raut sanjay raut

मुंबई : "ममता बॅनर्जी यांनी राष्ट्रपती निवडणुकीच्या संदर्भात बैठक बोलावली आहे. त्याचं निमंत्रण मुख्यमंत्र्यांना आलं असून ही बैठक १५ जूनला पार पडणार आहे. आमच्यातील एखादा प्रतिनिधी या बैठकीला हजर असेल" असं राऊत म्हणाले. दरम्यान या बैठकीला मुख्यमंत्री हजर राहणार नसल्याचं त्यांनी स्पष्ट केलं आहे.

(Sanjay Raut On Devendra Fadnavis)

"या बैठकीत राष्ट्रपती निवडणुकीबरोबरंच, केंद्रीय यंत्रणांचा दुरूपयोग कसा केला जातोय यावरही चर्चा होणार आहे." असं राऊत म्हणाले. राज्यसभेच्या निवडणुकांत शिवसेनेच्या उमेदवारांचा पराभव झाल्यावर राऊतांनी गद्दारी केलेल्या आमदारांची नावे घेतले आहेत. त्यावर बोलताना ते म्हणाले की, "आमदारांबद्दल आम्ही आमच्या भावना व्यक्त केल्या, त्यांच्या अपमान करण्याचा आमचा मानस नाही कारण आमच्या हातात २ दिवस ईडी दिलं तर फडणवीससुद्धा शिवसेनेला मतदान करतील." अशी टीका त्यांनी केली आहे.

rajya sabha election result sanjay raut
'पांडुरंगापेक्षा मोठा मोदींचा फोटो'; पंतप्रधानांचा देहू दौरा वादात

दरम्यान "भाजपने राज्यसभेच्या निवडणुकीत पंकजा मुंडे यांना डावललं आहे. त्यांच्याबाबत चिंता करण्याचा आम्हाला अधिकार आहे, कारण महाराष्ट्रात शिवसेना भाजप युती टिकवण्यासाठी मुंडे यांचा मोठा हात आहे." असंही संजय राऊत म्हणाले आहेत.

राष्ट्रपती निवडणुकांच्या संदर्भात काल सोनिया गांधी यांनीही शरद पवार यांच्यासहित विरोधी पक्षांनेत्यांशी संपर्क साधला आहे. त्याआधी पश्चिम बंगालच्या मुख्यमंत्री ममता बॅनर्जी यांनी पत्र लिहून बैठकीसाठी निमंत्रण दिलं आहे. याचं निमंत्रण महाराष्ट्राचे मुख्यमंत्री उद्धव ठाकरे यांनाही आहे पण शिवसेनेकडून एक प्रतिनिधी या बैठकीला असणार आहे असं राऊत म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com