16 जूनपासून मराठा समाजाचा पहिला मोर्चा- संभाजीराजे

रायगड- संभाजीराजे छत्रपती यांनी आज शिवराज्याभिषेक सोहळ्यानिमित्त रायगडावरुन जनतेशी संवाद साधला. मराठा आरक्षणप्रकरणी संभाजीराजे आज रायगडावरुन आपली भूमिका स्पष्ट करणार होते. त्यामुळे ते काय बोलतील याकडे सगळ्यांचे लक्ष लागले होते. सर्वप्रथम संभाजीराजेंनी शिवाजी महाराज, जिजाऊ आणि छत्रपती शाहू महाराज यांना वंदन केले. संभाजीराजेंनी यावेळी बोलताना शिवराज्याभिषेक राष्ट्रीय सण म्हणून साजरा करावा अशी मागणी केली. शिवराज्याभिषेक स्वातंत्र्यदिनापेक्षा कमी नाही. पहिलं स्वराज्य शिवाजी महाराजांनी मिळवून दिलं, असं ते म्हणाले. (sambhaji raje raigad shivaji maharaj Shiv Rajyabhishek maratha reservstion)

संभाजीराजेंच्या भाषणातील प्रमुख मुद्दे

-संभाजीराजेंकडून आंदोलनाची हाक देण्यात आली आहे, 16 जूनपासून पहिला मोर्चा काढणार, शाहू महाराजांच्या समाधीस्थळापासून आंदोलनाला सुरुवात होईल

-इतर समाजांना न्याय मिळतो, मग मराठा समाजाला न्याय का नाही?

- मराठा समाजाला न्याय मिळवून दिल्याशिवाय गप्प बसणार नाही

-काहीही झालं तरी चालेल, पण आरक्षण मिळवणारच

- मराठा समाजाच्या मुलांवर अन्याय होऊ देणार नाही

-शाहू महाराजांच्या समाधीस्थळापासून आंदोलनाला सुरुवात होईल

-शिवभक्तांना अडवू नका, मराठा समाजाला अडवू नका

- ज्या समाजाने न्याय दिला आज त्याच्यावर अन्याय होतोय

-आजपर्यंत जे सहन केलं, ते पुढे सहन करणाप नाही

- मराठा समाजाचा खेळ केल्यास गप्प बसणार नाही

-सध्याच्या आणि मागच्या सरकारमध्ये विनाकारण भांडण

-आरक्षण हा मराठा समाजाचा हक्क

-राजकारणाची देणंघेणं नाही, आरक्षण कसं मिळेय याचा पर्याय सांगा

-मराठा समाजाला न्याय द्या

-सकल मराठा समाजाने सरकारला तीन पर्याय दिले, कोण चूकं कोण बरोबर याची घेणदेणं नाही, मराठा समाजाला न्या द्या

- आधीचं आणि आताचं सरकार एकमेकांकडे बोट दाखवतंय

-दिशा देणं हे माझं काम, दिशा भरकटवणं माझं काम नाही

-या व्यासपीठावरुन राजकारण करणार नाही

-शिवराय मनमानात, शिवराज्याभिषेक घराघरात

-कोणालाही दिशाहीन करणं आपच्या रक्कात नाही

-मराठा समाजावर अन्याय होतोय

-आज सगळ्या समाजाला आरक्षण आहे, मराठा समाजाला आरक्षण नाही

-किल्ले रायगडाचं योग्यरित्या जतन व्हावं