नाशिकः एकीकडे आज नाशिकमध्ये भाजपने समर्पण दिनानिमित्त कार्यकर्ता मेळाव्याचं आयोजन केलं होतं तर दुसरी संभाजीराजे छत्रपती यांनी जोरदार शक्तिप्रदर्शन करुन भूमिका जाहीर केली आहे.
आजपर्यंत चळवळीत काम केलं, चळवळीत काम करुन मी थकलो..त्यामुळे आता निर्णय घ्यावाच लागेल, असं म्हणत संभाजीराजेंनी २०२४च्या अनुषंगाने निर्णय जाहीर केला आहे.
नाशिकमध्ये वाढदिवसानिमित्त संभाजीराजेंच्या नागरी सत्काराचं आयोजन करण्यात आलेलं होतं. यावेळी बोलतांना संभाजीराजे म्हणाले की, मला महाराष्ट्राकडून भरभरुन प्रेम मिळालं आहे. चळवळीत काम करतांना कार्यकर्त्यांवर खटले दाखल झालेले आहेत. आता थांबायचं नाही. आपल्यालाही राजकारणात उतरायचं आहे. स्वराज्य संघटना १०१ टक्के राजकारणात उतरेल, अशी स्पष्टोक्ती त्यांनी दिली.
ते पुढे म्हणाले की, ५२ वर्षांमध्ये पहिल्यांदा माझा वाढदिवस कोल्हापूरच्या बाहेर साजरा होत आहे. सुरतेहून परततांना शिवाजी महाराज आधी नाशिकला आले होते, म्हणून आज नाशिकला वाढदिवस साजरा करण्याचा निर्णय घेतला. त्यामुळे आता शिवाजी महाराजांचा भगवा फडकवण्यासाठी कामाला लागू, २०२४ हे आपलं निश्चित ध्येय असणार आहे, असं संभाजी महाराज म्हणाले.
दरम्यान, संभाजीराजे २०२४ च्या विधानसभा आणि लोकसभा निवडणुका लढवण्याची शक्यता आहे. त्यांच्या स्वराज्य संघटनेने राज्यभर उमेदवार दिले तर सत्ताधारी पक्ष आणि विरोधी पक्षाला नक्कीच जड गेल्याशिवाय राहणार नाही, असं राजकीय जाणकार सांगत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
