माझी बदली झालेली नाही; समीर वानखेडेंचं स्पष्टीकरण

एनसीबीचे (NCB) झोनल डायरेक्टर समीर वानखेडे (Sameer Wankhede) यांना आर्यन खान प्रकरणासह ६ प्रकरणांवरून हटवण्यात आल्याची माहिती नुकतीच समोर आली आहे. तसंच त्यांची बदली आता दिल्लीला होणार असल्याची शक्यता वर्तवण्यात येत होती. त्यानंतर आता समीर वानखेडे यांनी स्वत: आपली बदली झाली नसल्याचे सांगितले आहे. "माझी बदली झालेली नाहीये, मी अद्याप झोनल डायरेक्टर पदावर कायम आहे. बदलीच्या फक्त अफवा आहेत."

समीर वानखेडे पुढे बोलताना म्हणाले की, फक्त माझ्याकडील 6 केसेस दिल्लीतील टिमकडे देण्यात आल्यात. "मी माझ्या याचिकेत म्हटलं होतं की, या दोन केसेसचा कोणत्याही केंद्रीय तपास यंत्रणेकडून तपास केला जावा. आर्यन खान, समीर खान यांच्या केसचा आयपीएस संजय सिंह यांच्या नेतृत्वात तपास होणार. तसेच 'मी मुंबईतच झोनल डायरेक्टर म्हणून कायम आहे.' असेही त्यांनी स्पष्ट केलं.

दरम्यान, आर्यन खान, समीर खान आणि इतर 4 केसेस च्या तपासासाठी एनसीबी दिल्लीने एका विशेष पथकाची नियुक्ती केली आहे.