मी संजय राऊतांसमोर कधीही लोटांगण घातलं नाही; संदीपान भुमरेंचा पलटवार | Sakal
sakal

बोलून बातमी शोधा

Sandipan Bhumare criticizes Sanjay Raut

'संजय राऊत आमच्यामुळं निवडून आलेत. आमच्या जीवावर त्यांना खासदारकी मिळालीय.'

मी संजय राऊतांसमोर कधीही लोटांगण घातलं नाही; संदीपान भुमरेंचा पलटवार

गेल्या दोन दिवसांपासून शिवसेनेच्या बंडखोर आमदारांनी खासदार आणि प्रवक्ते संजय राऊत (Sanjay Raut) यांच्यावर टीका करण्यास सुरुवात केलीय. संजय राऊतांमुळंच आम्ही शिवसेना सोडली, असं काही बंडखोर आमदारांनी जाहीरपणे म्हटल्यानंतर संजय राऊतांच्या भूमिकेकडं सगळ्यांचं लक्ष लागलं होतं. या पार्श्वभूमीवर आज सकाळी संजय राऊतांनी घेतलेल्या पत्रकार परिषदेत बंडखोर आमदारांच्या आरोपांना चोख प्रत्युत्तर दिलं.

'महाविकास आघाडी सरकारमध्ये मंत्रिपद मिळालं तेव्हा स्वत: संदीपान भुमरे (Sandipan Bhumre) हे सामना कार्यालयात आले होते आणि माझ्यासमोर त्यांनी लोटांगण घातलं होतं. हवं असेल तर सामना कार्यालयातील व्हिडिओ फुटेज मी दाखवू शकतो.' असा दावा करत राऊतांनी भुमरेंवर निशाणा साधला.

हेही वाचा: संदीपान भुमरेंनी माझ्यासमोर लोटांगण घातलं; संजय राऊतांचं टीकास्त्र

याला उत्तर देताना संदीपान भुमरे म्हणाले, संजय राऊत आमच्यामुळं निवडून आलेत. आमच्या जीवावर त्यांना खासदारकी मिळालीय. संजय राऊतांनी राजीनामा द्यावा आणि जनतेतून निवडून येऊन दाखवावं, असा इशारा भुमरेंनी राऊतांना दिलाय. तसेच मी राऊतांसमोर कधीही लोटांगण घातलं नाही, असंही त्यांनी स्पष्ट केलं. संदीपान भुमरेंच्या या वक्तव्यानंतर राऊत भुमरेंचं चॅलेंज स्वीकारतात का? हे पाहणं महत्वाचं ठरणार आहे.

Web Title: Sandipan Bhumare Criticizes Sanjay Raut Maharashtra Politics

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..