ED ची कारवाई पुरावे नष्ट करण्यासाठी; सतीश उकेंच्या कुटुंबीयाचे आरोप

सतीश उकेंच्या घरावर आज सकाळी धाड पडली.
Devendra Fadnavis - Satish Uke
Devendra Fadnavis - Satish UkeTeam eSakal

काँग्रेस नेते नाना पटोले यांचे वकील सतीश उके यांच्या घरी आज सकाळी ईडीने धाड टाकली. पहाटेच ईडीचं पथक नागपुरात दाखल झालं होतं. सकाळी ५ वाजेच्या सुमारस इडीचं पथक दाखल झालं, त्यानंतर त्यांनी चौकशी करून सतीश उके यांना ईडीने ताब्यात घेतलं.

राज्यात गेल्या काही दिवसांपासून ईडीचं धाडसत्र सुरु आहे. महाविकास आघाडी सरकारचे अनेक नेते आणि त्यांचे नीकटवर्तीय केंद्रीय तपास यंत्रणांच्या रडारवर आहे. त्यातच आज ईडीने सतीश उके यांच्या घरावर धाड टाकली. सहा तासांच्या चौकशीनंतर सतीश उके आणि त्यांच्या भावाला ईडीने ताब्यात घेतलं. त्यानंतर त्यांच्या कुटुंबीयांनी देवेंद्र फडणवीसांवर आरोप केले आहेत.

Devendra Fadnavis - Satish Uke
'मी सांगतो तेवढचं ऐकायचं!'; नाना पटोलेंचं सभागृहात पहिलं वक्तव्य 

ईडीने केलेल्या कारवाईनंतर उके यांच्या कुटुंबीयांनी संताप व्यक्त केला आहे. माध्यमांशी संवाद साधताना कुटुंबीयांनी सांगितलं की, सकाळी साडेपाच वाजता ईडीचे अधिकारी आले. आमचे मोबाईल जमा केले. मुलांना शाळेत जाऊन देण्याची मुभा त्यांनी दिली. आम्हाला सतीश उके यांचे कागदपत्र हवे आहेत असं ईडीचे अधिकारी म्हणत होते असं कुटुंबीयांनी सांगितलं. सतीश उके यांनी माजी मुख्यमंत्री देवेंद्र फडणवीस यांच्यावर अनेक केसेस केल्या आहेत. त्यातल्या एका प्रकरणाचा निकाल दोन दिवसात लागणार आहे असंही कुटुंबीयांनी सांगितलं.

Devendra Fadnavis - Satish Uke
EDची नाशिकमध्ये छापेमारी? नवाब मलिक कनेक्शनची शक्यता

कुटुंबीयांनी पुढे सांगितलं की, त्यांचा लॅपटॉप, मोबाईल जप्त केला. महिनाभरापासून रेकी सुरू होती. कोण काय करतं याची सगळी माहिती घेतली होती. लॅपटॉपमधील भविष्यातील केसेसचे तपशील घेतले. लोया केसचाही त्यामध्ये समावेश आहे. हे सर्व पुरावे नष्ट कऱण्यासाठी घेऊन गेले असून, सूडबुद्धीमुळे हे सर्व झाल्याचा आरोप कुटुंबीयांनी केला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com