शिवरायाचं राज्य प्रत्येकाच्या मनात आहे, हे कुणी सांगायची गरज नाही; शरद पवारांची राज ठाकरेंवर टीका | Sakal
sakal

बोलून बातमी शोधा

Sharad Pawar vs Raj Thackeray

'300-400 वर्षांनंतरही सामान्य माणसाच्या अंतकरण:त छत्रपती शिवाज महाराजांचं नाव अढळ आहे.'

'शिवरायाचं राज्य प्रत्येकाच्या मनात आहे, हे कुणी सांगायची गरज नाही'

कोल्हापूर : या देशात अनेक राजे होऊन गेलेत. चंद्रगुप्त मौर्यचं राज्य होऊन गेलं, मोगलांचं राज्य होऊन गेलं, अदिलशाहाचं राज्य येऊन गेलं. अनेकांची राज्य येऊन गेली. पण, 300-400 वर्षांनंतरही सामान्य माणसाच्या अंतकरण:त छत्रपती शिवाज महाराजांचं (Chhatrapati Shivaji Maharaj) नाव अढळ आहे. शिवाजी महाराजांचं रयतेचं राज होतं, ते हिंदवी स्वराज होतं, त्यामुळं शिवरायाचं राज्य प्रत्येकाच्या मनात कायम आहे, हे कुणी सांगायची गरज नाही, अशी टीका राष्ट्रवादीचे सर्वेसर्वा शरद पवारांनी (Sharad Pawar) नाव न घेता मनसे अध्यक्ष राज ठाकरे (Raj Thackeray) यांच्यावर केलीय. ते कोल्हापुरातील राष्ट्रवादीच्या सभेत बोलत होते.

शरद पवार पुढं म्हणाले, महात्मा फुले, शाहू महाराज, डाॅ. बाबासाहेब आंबेडकर (Dr. Babasaheb Ambedkar) यांची नावं का नाही घ्यायची? असा सवालही त्यांनी सभेत उपस्थित केला. सामान्य माणसाच्या अंतकरण:त छत्रपती शिवाज महाराजांचं नाव आजही अढळ आहे. या महाराष्ट्र भूमीत शाहू महाराजांनी अनेकांशी संघर्ष केलाय. शाहूंनी सामान्यांचा कधीच कैवार सोडला नाही. तसेच देशासाठी डाॅ. बाबासाहेब आंबेकरांचं योगदान देखील खूप मोठं आहे. पण, आपण आजही काही लोक त्यांचा व्देष करतात, हे चुकीचं आहे. देशाचं भविष्य आंबेडकरांनी उज्वल केलंय. ज्यांना हे महापुरुष समजले नाहीत, त्यांना महाराष्ट्र काय समजणार? असं म्हणत त्यांनी राज ठाकरेंवर जोरदार निशाणा साधलाय. छत्रपती शिवाजी महाराजांचा इतिहास जोतिबा फुलेंनी सांगितला, असंही त्यांनी आवर्जुन स्पष्ट केलं.

हेही वाचा: Jayant Patil l अनेकांनी पक्ष सोडला तरीही राष्ट्रवादी उभा-जयंत पाटील

Web Title: Sharad Pawar Criticism Of Raj Thackeray At Kolhapur

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top