Sharad Pawar VS Prithviraj Chavan: 'तुमची कॅटेगरी काय...?', शरद पवारांचा पृथ्वीराज चव्हाणांना खोचक सवाल

राष्ट्रवादी काँग्रेस ही भाजपची बी टीम आहे, या चव्हाणांच्या आरोपावर दिलं उत्तर
Sharad Pawar VS Prithviraj Chavan
Sharad Pawar VS Prithviraj ChavanEsakal

राज्याच्या राजकारणात मोठ्या घडामोडी घडत आहेत. अशातच आता महाविकास आघाडीमध्ये बिघाडी होणार असल्याच्या चर्चा राजकीय वर्तुळात रंगली आहे. महाविकास आघाडीतील नेते आता एकमेकांवर टीका करताना दिसून येत आहेत. अशातच काल ठाकरे गटाचे खासदार संजय राऊत यांनी सामना या वृत्तपत्राच्या अग्रलेखातून राष्ट्रवादी, शरद पवार यांचा राजीनामा, पक्षातील नेत्यांचं कथित बंड या संपूर्ण घटनांवर टीकास्त्रसोडलं यावरून राज्यातील राजकारण तापल्याचं दिसून येत आहे.

अशातच काँग्रेसचे जेष्ठ नेते पृथ्वीराज चव्हाण यांनी देखीलराष्ट्रवादीला लक्ष्य केलं होतं. त्यांनी कर्नाटकमध्ये बोलत असताना अजित पवार भाजपमद्धे जाणार असल्याच्या, राष्ट्रवादी काँग्रेस ही भाजपची बी टीम आहे आणि राष्ट्रवादीची भाजपसोबत बोलणी चालू असल्याचं म्हंटलं होतं. या संपूर्ण घटनांवर शरद पवार यांनी भाष्य केलं आहे.

Sharad Pawar VS Prithviraj Chavan
Sharad Pawar: सोलापूर लोकसभेच्या जागेची राष्ट्रवादी फिरविणार भाकरी; संघर्ष टाळण्यासाठी पवारांची सावध भूमिका

'राष्ट्रवादी काँग्रेस ही भाजपची बी टीम आहे', असा आरोप काँग्रेसचे ज्येष्ठ नेते पृथ्वीराज चव्हाण यांनी कर्नाटक निवडणुकीतील प्रचारादरम्यान केला होता. यावर उत्तर देताना शरद पवार म्हणाले की, "पृथ्वीराज चव्हाणांचं त्यांच्या पक्षात काय स्थान आहे ते ए आहे की बी, सी आहे की डी आहे हे त्यांनी आधी चेक करावं. त्यांच्या पक्षापेक्षा सहकाऱ्यांना विचारावं की यांची कॅटेगरी कोणती आहेत ते तुम्हाला खासगीत सांगतील, जाहीरपणे नाही सांगणार", असा खोचक टोला शरद पवारांनी चव्हाण यांना लगावला आहे.

Sharad Pawar VS Prithviraj Chavan
Sharad Pawar: विठ्ठल दर्शनाला निघालेल्या पवारांकडे राष्ट्रवादीच्या नाराजांचे गाऱ्हाणे, विधानसभा निवडणुकीवेळी...

तर गेल्या काही दिवसांपासून महाविकास आघाडीमध्ये नाराजीनाट्य रंगली आहेत. अशात महाविकास आघाडीत बिघाडी होणार असल्याच्या चर्चा राज्याच्या राजकारणात रंगल्या आहेत यावर बोलताना शरद पवार म्हणाले की, 'गेल्या काही दिवसांपासून महाविकास आघाडीतील घटक पक्षांमध्ये कुरबुरी पाहायला मिळत आहेत. परंतु या टीकेचा महाविकास आघाडीवर काहीच परिणाम होणार नाही, वेगवेगळी मतं असतात. पण त्यामुळे आमच्यात गैरसमज नाहीत,' असं शरद पवार यांनी म्हटलं आहे.

Sharad Pawar VS Prithviraj Chavan
Sangli Crime: क्रूरतेचा कळस! अनैतिक संबंधास अडसर ठरणाऱ्या सहा वर्षाच्या मुलाला फेकलं विहिरीत

संजय राऊत यांनी लिहलेल्या अग्रलेखावर शरद पवारांची प्रतिक्रिया

"आपला पक्ष पुढे कसा जाणार हे आमच्या सहकाऱ्यांना माहित आहे. आम्ही काय करतो, त्यात आम्हाला समाधान आहे, ते लिहितील त्यांना लिहायचा अधिकार आहे. आमच्या दृष्टीने त्याला महत्त्व नाही," अशा शब्दात राष्ट्रवादी काँग्रेसचे अध्यक्ष शरद पवार यांनी 'सामना'तील अग्रलेखावर प्रतिक्रिया दिली आहे.

Sharad Pawar VS Prithviraj Chavan
Sharad Pawar: पुन्हा अध्यक्षपदी पवारच! रयतमध्ये त्यांच्या विरोधात कोणाचाच अर्ज नाही

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com