राष्ट्रवादीचे अध्यक्ष शरद पवार यांच्याविरुद्ध आक्षेपार्ह ट्विट करणाऱ्या एका युवकाला पोलिसांनी ताब्यात घेतलं आहे. या तरुणाने शरद पवारांना जीवे मारण्याची धमकी दिली होती. या ट्विटचा स्क्रिनशॉट शेअऱ करत राज्याचे गृहनिर्माण मंत्री जितेंद्र आव्हाड यांनी कारवाईची मागणी केली होती. त्यानंतर पोलिसांकडून चौकशी सुरू आहे. या तरुणाच्या मोबाईलमध्ये आणखी काही आक्षेपार्ह मजकूर आढळून आला आहे.
काय आहे प्रकरण?
राज्याचे गृहनिर्माण मंत्री जितेंद्र आव्हाड यांनी एका ट्विटचा स्क्रिनशॉट शेअर केला होता. यामध्ये निखिल भामरे नावाचा एक तरुण बागलाणकर या युजरनेमचा वापर करून केलेलं आक्षेपार्ह ट्विट होतं. या ट्विटमध्ये लिहिलं होतं, "वेळ आली आहे बारामतीच्या गांधीसाठी, बारामतीचा नथुराम गोडसे तयार करायची. #बाराचा_काका_माफी_माग." या ट्विटवरून जितेंद्र आव्हाडांनी महाराष्ट्र पोलिसांना टॅग करत कठोर कारवाईची मागणी केली होती. यावरून राष्ट्रवादीचे जिल्हाध्यक्ष आनंद परांजपे यांच्या तक्रारीनंतर निखिल भामरे विरोधात गुन्ह्याची नोंद करण्यात आली आहे.
कोण आहे निखिल भामरे?
निखिल भामरे हा मूळचा सटाण्याचा आहे. तो सध्या दिंडोरी तालुक्यातील वरवंडी इथं बी फार्मसीचं शिक्षण घेत आहे. भामरे हा राष्ट्रीय स्वयंसेवक संघाच्या शाखेशी संबंधित असल्याची माहिती पोलिसांनी दिली आहे. दोन दिवसांपूर्वी त्याने शरद पवारांविषयी आक्षेपार्ह ट्विट केल्याप्रकरणी नाशिक ग्रामीण दिंडोरी पोलिसांनी कारवाई केली आहे. तो बागलाणकर या नावाने आक्षेपार्ह ट्विट करत होता.
राजकारण्यांसाठी विद्यार्थ्यांनी केसेस अंगावर घेऊ नयेत
हा विद्यार्थी अशा प्रकारचे ट्विट केल्याने अडचणीत सापडल्याचं समजताच नेटकऱ्यांमधून जोरदार प्रतिक्रिया उमटत आहेत. राजकारण्यांसाठी विद्यार्थ्यांनी आपल्या अंगावर केसेस घेऊ नयेत, असा सूर सोशल मीडियावरून उमटत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
