संसदेत आंदोलनावर बंदी नाही; शरद पवारांचं स्पष्टीकरण

संसदेच्या अधिवेशनाच्या पार्श्वभूमीवर असंसदीय शब्दांवर बंदी घालण्यात आली आहे. तसंच संसदेच्या आवारात आंदोलनं, निदर्शनं करण्यावरही बंदी घातल्याची माहिती हाती येत आहे. मात्र याबद्दल राष्ट्रवादी काँग्रेसचे अध्यक्ष शरद पवार यांनी याबद्दल स्पष्टीकरण दिलं आहे.

शरद पवार सध्या नागपूर दौऱ्यावर आहेत. यावेळी त्यांनी माध्यमांशी संवाद साधला. त्यावेळी शरद पवार (Sharad Pawar) यांनी याविषयी स्पष्टीकरण दिलं आहे. शरद पवार म्हणाले की, आम्हाला संसदेच्या अध्यक्षांकडून याबाबतीत निवेदन मिळालं आहे. संसदेच्या आवारात निषेध करण्यास परवानगी नाही,असे कोणतेही निर्बंध नाहीत. उद्या दिल्लीत सर्व राजकीय पक्षांचे नेते एकत्र बसून चर्चा करणार आहेत.

संसदेचं पावसाळी अधिवेशन (Parliament Monsoon Session) १८ जुलैपासून सुरु होत आहे. दरम्यान, आज सलग दुसऱ्या दिवशी संसदेच्या कामकाजासंदर्भात नवा आदेश आल्याची माहिती हाती आली होती. पार्लमेंट हाऊसच्या (Parliament House) परिसरात आंदोलनं, धरणं आंदोलनं तसेच उपोषणासाठी आणि धार्मिक कृतीसाठी वापरता येणार नाही, यावर पूर्णपणे बंदी असेल, असं या आदेशातून सांगण्यात आलं होतं.