Sharad Pawar Resigns: समितीच्या बैठकीतून जयंत पाटील बाहेर; राजकीय घडामोडींना वेग

राष्ट्रवादीच्या सदस्या समितीनं शरद पवारांनी घेतलेला राष्ट्रवादी काँग्रेस पक्षाच्या अध्यक्षपदावरुन निवृत्त होण्याचा निर्णय फेटाळला आहे. दरम्यान सुरु असलेल्या बैठकीमधून प्रदेशाध्यक्ष जयंत पाटील कार्यलयाबाहेर आल्याने राजकीय वर्तुळात चर्चेला उधाणं आलं आहे. (Sharad Pawar Resigns Jayant Patil out of committee meeting )

समितीची बैठक सुरु असतानाच मुंबईतील वाय. बी. चव्हाण सेंटरवर आंदोलकांनी आक्रमक पवित्रा घेतली आहे. यावेळी एका कार्यकर्त्याने अंगावर रॉकेल ओतून घेत आत्मदहनाचा प्रयत्न केला आहे.

त्यामुळे चव्हाण सेंटरबाहेर मोठा गोंधळ पाहायला मिळाला. यानंतर कार्यकर्त्यांची समजूत काढण्यासाठी जयंत पाटील बैठकीतून बाहेर आल्याची माहिती समोर आली आहे.

'लोक माझे सांगाती' याच्या सुधारीत आवृत्तीच्या प्रकाशन सोहळ्यात शरद पवार यांनी पक्षाच्या अध्यक्ष पदाचा राजीनामा देत असल्याची घोषणा केली होती. शरद पवारांच्या घोषणेनंतर सभागृहात एकच गदारोळ झाला.

साहेब निर्णय मागे घ्या, कार्यकर्त्यांनी मागणी करत ठिय्या दिला होता. तेव्हापासूनच शरद पवारांनी आपला निर्णय मागे घ्या, असा कार्यकर्त्यांचा आग्रह होता.