Sharad Pawar Resigns : अजित पवारांची पत्नी व मुलाकड़ून घेतलंय कर्ज; जाणून घ्या पवारांची संपत्ती किती?

महाराष्ट्रातीलच नव्हे तर देशातील सर्वात अनुभवी आणि जेष्ठ नेते म्हणजे राष्ट्रवादी काँग्रेस पक्षाचे सर्वेसर्वा शरद पवार. त्यांनी आज निवृत्तीची घोषणा केली आहे. आणि राज्याच्या राजकीय वर्तुळात मोठा गदारोळ माजला आहे. त्यांच्याच पक्षाचे समर्थक त्यांच्या या निर्णयाला विरोध करत आहेत. यानिमित्त शरद पवार यांच्याबद्दल काही माहिती जाणून घेऊयात.

शरद पवारांच्या संपत्तीबद्दल हाती आलेली लेटेस्ट माहिती खालीलप्रमाणे -

स्थावर मालमत्ता

1 कोटी 30 लाख 97 हजार 960 रुपयांच्या शेतजमिनी

91 लाख 71 हजार 480 रुपयांची बिगरशेती जमीन आहे.

3 कोटी 12 लाख 50 हजार रुपये मालकीची व्यावसायिक इमारत

2 कोटी 17 लाख 14 हजार 501 रुपये मालकीची रहिवासी इमारत

जंगम मालमत्ता

बँकेत विविध स्वरूपात 9 कोटी 39 लाख 93 हजार 386 रुपये त्याचबरोबर 65,680 रुपये रोकड

शेअर्स आणि बॉण्ड्सच्या स्वरूपात गुंतवलेली रक्कम : 7 कोटी 46 लाख 24 हजार 449 रुपये

88 लाख 65 हजार 805 रुपयांचे दागिने

किती रुपयांचं कर्ज दिलं?

शरद पवारांनी 7 कोटी 45 लाख 84 हजार रुपये एवढे वैयक्तिक कर्ज दिलं आहे.

किती रुपयांचं कर्ज घेतलं?

शरद पवारांवर 1 कोटी रुपयांचे कर्ज आहे. त्यातील 50 लाख रुपये शरद पवार यांनी सुनेत्रा पवार आणि 50 लाख रुपये पार्थ पवार यांच्याकडून घेतले आहेत. शरद पवार यांच्या नावावर एकही गाडी नाही

सदर माहिती ADR म्हणजेच असोसिएशन फॉर डेमोक्रटिक रिफॉर्म्स या निवडणुकांसंदर्भातील माहिती देणाऱ्या संकेतस्थळाने दिलेली आहे. राज्यसभेसाठी जेंव्हा शरद पवार यांनी अर्ज दाखल केलेला तेंव्हा शरद पवारांनी प्रतिज्ञापत्रात ही माहिती दिली होती.