Sheetal Mhatre Video : बोलण्यास त्रास होतोय; व्हायरल व्हिडीओवर प्रकाश सुर्वेंची पहिली प्रतिक्रिया

शीतल म्हात्रेंनी आत्तापर्यंत अनेकदा माध्यमांशी बोलत आपली बाजू मांडली होती. मात्र प्रकाश सुर्वे यांच्या मौनामुळे चर्चांना उधाण आलं होतं.
Sheetal Mhatre Prakash Surve
Sheetal Mhatre Prakash Surve Sakal

Sheetal Mhatre Video : शिवसेनेच्या पदाधिकारी शीतल म्हात्रे आणि आमदार प्रकाश सुर्वे यांच्या व्हायरल व्हिडीओमुळे सध्या राज्यातलं वातावरण तापलं आहे. म्हात्रे यांनी वारंवार माध्यमांसमोर येत आपली भूमिका मांडली. पण प्रकाश सुर्वे यांच्या मौनामुळे विविध चर्चांना उधाण आलं होतं. आता सुर्वे यांनी आपली बाजू मांडली आहे. (Prakash Surve on Viral Video with Sheetal Mhatre)

आमदार प्रकाश सुर्वे यांनी एक निवेदन जारी केलं आहे. यामध्ये आपली तब्येत ठीक नसल्याने आपण बोललो नाही, असं सुर्वे यांनी सांगितलं आहे. ते म्हणाले, "मी गेल्या महिन्याच्या १८ फेब्रुवारी ते २६ फेब्रुवारीपर्यंत माझ्या प्रकृतीच्या कारणास्तव वोकार्ड इस्पीतळामध्ये दाखल होतो. सध्या मला थ्रोट इंफेक्शनचा त्रास असल्याने व सततचा खोकला असल्याने बोलण्यास त्रास होत आहे. मात्र गेल्या शनिवारी झालेल्या कार्यक्रमानंतर मी काही बोलत नाही असे चुकीचे अर्थ काढून अपप्रचार केल्या जात आहे. त्यामुळे मी हे विस्तृत निवेदन देत आहे."

Sheetal Mhatre Prakash Surve
Sheetal Mhatre Video : "मी व्हिडीओ १० जणांना फॉरवर्ड केला; ३२ देशात व्हिडीओ पाहिला गेला"

एकनाथ शिंदेंच्या कामाच्या धडाक्यामुळे राजकीय जीवनात हताश झालेले माझे विरोधक लोकोपयोगी कामे करण्याऐवजी लोकप्रकल्पांच्या कामांपासून लोकांचे लक्ष दुसरीकडे वळविण्याकरिता व्हिडीयो मोर्फकरणे खोटे चारित्रहनन करणे अशा विकृत गोष्टी करित आहेत, असा आरोप त्यांनी केला आहे.

Sheetal Mhatre Prakash Surve
Sheetal Mhatre Video : बदनामी पुरुषाची झालीय; ते आमदार कुठे आहेत? संजय राऊतांचा सवाल

"शीतल म्हात्रे कानात काहीतरी सांगत होत्या"

प्रकाश सुर्वे पुढे म्हणाले, "प्रचंड गर्दीत आणि प्रचंड आवाजात मला बहिणी समान असणा-या माजी नगरसेविका शीतल म्हात्रे मला या कार्यक्रमाबाबत काही सांगत असतानाच्या व्हिडीयोमध्ये चुकीचे गाणे लावून महिलांचा अपमान करण्याच्या विकृत मानसिकतेमधून हा व्हिडीयो सोशल मिडीयाच्या माध्यमातून प्रसारित केला गेला."

या सर्व प्रकारामुळे आपल्याला आणि आपल्या कुटुंबीयांना प्रचंड मानसिक त्रास झाल्याचंही सुर्वे यांनी सांगितलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com