Ajit Pawar: अजित पवार होणार मुख्यमंत्री? शिंदे गटाच्या नेत्यानं खिल्ली उडवत स्पष्टच सांगितलं..

राज्यात सत्तांतर होण्याच्या अनेक चर्चा सुरू आहेत. शिंदे फडणवीस सरकार काही दिवसात पडेल आणि पुन्हा महाविकास आघाडी सरकार सत्तेत येईल अशा चर्चा सुरू आहेत. अशातच शिंदे फडणवीस सरकार पडेल आणि महाविकास आघाडी सरकार सत्तेत येईल तर अजित पवार मुख्यमंत्री होतील या चर्चेवर शिंदे गटाच्या नेत्याने उत्तर देत खिल्ली उडवली आहे.

शिंदे सरकार कोसळणार म्हणून विरोधक हे दिवसा स्वप्न पाहत आहेत जे की कधीही पूर्ण होणार नाही. 1978 पासून शरद पवार हे राज्यात आतापर्यंत एका विचाराचे सरकार आणू शकले नाहीत. त्यामुळे हे स्वप्नच राहणार ते कदापि पूर्ण होणार, अशी बोचरी टीका शिंदे गटाचे नेते विजय शिवतारे यांनी केली आहे.

माजी राज्यमंत्री विजय शिवतारे हे इंदापूर तालुक्याच्या दौऱ्यावर होते. दरम्यान शिवतारे यांनी हर्षवर्धन पाटील यांच्या निवासस्थानी भेट दिली. यावेळी आयोजित पत्रकार परिषदेत दोन्ही नेत्यांनी महाविकास आघाडीवर टीका केली आहे.

राज्यातले भाजप शिंदे गटाचे सरकार कधीही कोसळेल आणि अजित पवार हे मुख्यमंत्रिपदी विराजमान होतील असं विरोधकांकडून बोललं जात आहे. त्यावर शिवतारे म्हणाले की, 'विरोधक स्वप्न पाहत आहेत. ते स्वप्न कधीही पूर्ण होणार नाही. 1978 पासून पवार साहेब हे राज्यात एका विचाराचे सरकार आणू शकले नाहीत त्यामुळे हे स्वप्नच राहणार ते कधीही पूर्ण होणार नाही असं शिवतारे म्हणाले आहेत.