विधानसभा अध्यक्षपदासाठी महाविकास आघाडीकडून शिवसेना देणार उमेदवार?

मुंबई - अनेक धक्कादायक घडामोडींनंतर अखेर भाजप आणि शिवसेनेच्या एकनाथ शिंदे (CM Eknath Shinde) गटाने राज्यात सत्तास्थापन केली. आता एकनाथ शिंदे आणि भाजपने पुढील कामकाज सुरू केले असून आता नव्या सरकारने महत्त्वपूर्ण अशा विधानसभा अध्यक्षपदासाठी उमेदवार जाहीर केला आहे. तर महाविकास आघाडीकडून विधानसभा अध्यक्षपदासाठी शिवसेना उमेदवार देणार असल्याची चर्चा असल्याचं समोर आलं आहे. (ShivSena candidate for Assembly Speaker)

भाजपने विधानसभा अध्यक्षपदासाठी आमदार राहुल नार्वेकर यांना उमेदवारी दिली आहे. शुक्रवारी नार्वेकरांनी आपला उमेदवारी अर्जही दाखल केला. तर दुसरीकडे शिवसेना विधानसभा अध्यक्षपदासाठी उमेदवार देणार असल्याचं काही माध्यमांमधून समोर येत आहे . त्यामुळे विधानसभा अध्यक्षपदासाठी चुरस पाहायला मिळणार आहे.

विधानसभा अध्यक्षपदासाठी शिवसेना उमेदवार देणार असल्याची माहिती माजी विधानसभा अध्यक्ष आणि काँग्रेसचे प्रदेशाध्यक्ष नाना पटोले यांनी म्हटल्याचे माध्यमांमधून समोर आले मागील अनेक दिवसांपासून विधानसभा अध्यक्षांच पद रिक्त असून उपध्यक्ष नरहरी झिरवळ हेच महाविकास आघाडीच्या काळात कामकाज पाहात होते. आगामी काळात विधानसभा अध्यक्षपद अत्यंत महत्त्वपूर्ण ठरणार असून भाजपने त्यासाठी तयारी सुरू केली आहे. त्यामुळे शिवसेना कोणाला उमेदवारी देणार हे पाहणे औत्सुक्याचं ठरणार आहे.