Shivsena News: "हे कुणाचं ते कुणाचं सांगू नका"; उद्धव ठाकरेंनी निवडणूक आयोगाला झापलं!

Uddhav Thackeray News: शिवसेना हे नाव आणि धनुष्यबाण हे चिन्ह निवडणूक आयोगाने एकनाथ शिंदेंकडे दिलं आहे. या निर्णयाची कुणकूण लागताच उद्धव ठाकरेंनी पक्षनिधी इतर खात्यांत वळवल्याची चर्चा आहे. याबद्दल उद्धव ठाकरे यांनी आपली भूमिका स्पष्ट केली आहे.

उद्धव ठाकरे यांनी आज आपल्या पदाधिकाऱ्यांची बैठक घेतली. या बैठकीनंतर उद्धव ठाकरे यांनी पत्रकार परिषद घेतली आणि आपली भूमिका मांडली. पक्षनिधीबद्दल बोलताना ठाकरे म्हणाले, "पक्षनिधीचा दावा ठरवण्याचा अधिकार निवडणूक आयोगाला नाही.

नाहीतर निवडणूक आयोगावर खटला भरला जाईल. आयोगाला फक्त चिन्ह व नाव ठरवण्याचा अधिकार नाही तर देशात निवडणुका घेणं, पक्षांतर्गत लोकशाही जिवंत ठेवणं हा त्यांचा अधिकार आहे".

पक्ष निधी बाबतीत निवडणूक आयोगाचा अधिकार नाही हे कुणाचं ते कुणाचं हे निवडणूक आयोग सांगू शकत नाही, असंही उद्धव ठाकरे म्हणाले.

पक्षाचे नाव आणि चिन्ह जाणार याची कुणकुण उद्धव ठाकरेंना आधीच लागली होती. शिवसेनेच्या पक्षनिधीवरही शिंदे गटाकडून दावा केला जाऊ शकतो, हे ओळखून पक्षनिधीची रक्कम अन्य बँक खात्यात वळविल्याची माहिती सूत्रांनी दिली. हा पक्षनिधी सुमारे १५० कोटींचा असण्याची शक्यता आहे, अशी माहितीही हाती येत आहे.