झुकेगा वही जिसमे जान है, अकड तो मुर्दे की खास पहचान-मुनगुंटीवार

विर्दभाच्या अनुषेशाच्या मुद्यावर भाजप नेते सुधीर मुनगुंटीवार (Sudhir Mungantiwar) यांनी आज विधीमंडळात सत्ताधाऱ्यांना धारेवर धरले. पुढचं अधिवेशन नागपूरात (Nagpur) व्हायलाच हव अशी आग्रही मागणी त्यांनी आज केली. सरकार विदर्भ आणि मराठवाड्यावर अन्याय करत असल्याचा आरोपही त्यांनी केला आहे. वैधानिक महाविकास मंडळाच्या नेमणुका तातडीने कराव्यात अशी मागणी त्यांनी केली आहे. विजप्रश्नावर तसेच प्रशासकीय अधिकाऱ्यांच्या अनुषेशाच्या मुद्यांवर सरकारला जाब विचारला. यावेळी 'झुकेगा नही' डायलाॅगबाजी करणाऱ्यां नेत्यांनाही खडेबोल सुनावले.

सुधीर मुनगुंटीवार सभागृहात म्हणाले, वैधानिक मंडळ सुरु करा दुसऱ्याच्या भरवश्यावर ठेवू नका. विजेचा दर एक रुपये किंवा दिड रुपया युनिट करावा, पुढचं अधिवेशन नागपूर व्हाव, २०१५ ची चक्राकार पध्दत सुरु करण्याची मागणी त्यांनी केली. या मागण्या मंजूर झाल्यास याचे सुंदर अभिनंदन पत्र तयार करू असेही ते म्हणाले.

झुकेगा नही हा 'पुष्पा' चित्रपटातील डायलाॅग अनेक नेत्यांनी मारला आहे. यावर बोलताना मुनगुंटीवार म्हणाले, झुकेगा नही म्हणजे काय? झुकेगा वही जिसमे जान है, अकड तो मुर्दे की खास पहचान है अशा कडक शब्दात टीका केली.