राज्याचं अर्थसंकल्पीय अधिवेशन नागपूरात; मंत्रिमंडळाच्या बैठकीत निर्णय

मुबंई: राज्याचं अर्थसंकल्पीय अधिवेशन नागपूरला होणार असल्याची घोषणा करण्यात आली आहे. मंत्रिमंडळाच्या बैठकीत हा निर्णय घेण्यात आला असून हे अर्थसंकल्पीय अधिवेशन 28 फेब्रुवारीला नागपूर येथे होणार आहे. याबाबतची मागणी आधीपासून करण्यात येत होती. हे हिवाळी अधिवेशन देखील नागपूरला व्हावं, अशी चर्चा असताना कोरोनाचं सावट आणि मुख्यमंत्र्यांच्या तब्येतीच्या कारणास्तव हे अधिवेशन मुंबईतच घेण्यात आलं.

आज (सोमवारी) झालेल्या बैठकीत याबाबत निर्णय घेण्यात आला आहे. या बैठकीला मुख्यमंत्री उद्धव ठाकरे (CM Uddhav Thackeray) देखील ऑनलाइनच्या माध्यमातून उपस्थित होते. नागपुरात होणारे हिवाळी अधिवेशन (Winter Session) राज्य सरकारच्या निर्णयावरुन मुंबईत सुरु आहे. दरम्यान आगामी अर्थसंकल्पीय अधिवेशन (Maharashtra Budget Session) मात्र नागपुरात होणार असल्याचं मंत्रिमंडळ बैठकीत निर्णय घेण्यात आला आहे. यानूसार अर्थसंकल्पीय अधिवेशन 28 फेब्रुवारीला नागपूर येथे होणार आहे. दरम्यान, याबाबतची मागणी आधीपासून करण्यात येत होती.