राज्यात तमाशा बंदी; कलावंतांपुढे पुन्हा संकट उभे | Tamasha Actor | Sakal
sakal

बोलून बातमी शोधा

tamasha ban
राज्यात तमाशा बंदी; कलावंतांपुढे पुन्हा संकट उभे

राज्यात तमाशा बंदी; कलावंतांपुढे पुन्हा संकट उभे

चाकण - ‘कोरोना रुग्ण (Corona Patients) वाढत होत असल्याने राज्य सरकारने (State Government) पुन्हा निर्बंध (Restrictions) लागू केले आहेत. यामुळे तमाशाचे रात्रीचे खेळ बंद झाले असून कलावंतांपुढे (Actors) पुन्हा संकट (Problem) उभे राहीले आहे,’ अशी माहिती लोकनाट्य तमाशा फडमालक, कलावंत महासंघाचे अध्यक्ष रघुवीर खेडकर (Raghuvir Khedkar) यांनी दिली.

ते म्हणाले, ‘तमाशाचे खेळ बंद झाल्याने फड मालक व कलाकारांनी पुन्हा आपले घर गाठले आहे. सरकारने गेल्या काही महिन्यांपूर्वी तमाशा कार्यक्रमांना परवानगी दिल्यानंतर तमाशाचे फड कार्यक्रमांसाठी राज्याच्या विविध भागात फिरत होते. गेले दोन वर्षांपासून बंद असलेले तमाशा फड सुरू झाले होते. मात्र, कोरोनाच्या तिसऱ्या लाटेचा धोका निर्माण झाल्याने सरकारने राज्यात रात्रीची संचारबंदी पुन्हा लागू केली आहे. परिणामी तमाशाच्या कार्यक्रमांवर बंदी आली आहे. तमाशा बंद झाल्याने राज्यातील सुमारे दहा हजारांपेक्षा अधिक कलावंताच्या पोटा पाण्याचा प्रश्न निर्माण झाला आहे.’

हेही वाचा: Video: चिमुकलीच्या शिवगर्जनेनं अवघा महाराष्ट्र दुमदुमला!

तमाशा फडमालक व कलावंत नितीनकुमार बनसोडे म्हणाले, ‘तमाशाचे कार्यक्रम बंद झाल्याने तमाशा फड मालक, कलाकार यांची आर्थिक परिस्थिती खूप वाईट होणार आहे. दोन वर्षांपासून तमाशा संकटात सापडला आहे. मागील महिन्यांत कार्यक्रम सुरू झाल्याने तमाशाचे अर्थचक्र पुन्हा फिरू लागले होते. मात्र, आता पुन्हा कार्यक्रम बंद झाल्याने फड मालक, कलाकारांनी करायचे काय हा प्रश्न निर्माण झाला आहे.’

तमाशा ही कला जिवंत राहण्यासाठी कार्यक्रमांना सायंकाळी सात ते रात्री दहापर्यंत परवानगी देण्यात यावी. काही ठिकाणी दिवसाही कार्यक्रम व्हावेत. यासाठी सरकारने पोलिसांना आदेश देऊन फड मालक, कलाकार यांना सहकार्य करावे.

- रघुवीर खेडकर, अध्यक्ष, लोकनाट्य तमाशा फडमालक, कलावंत महासंघ

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :maharashtraActorsTamasha
loading image
go to top