मुख्यमंत्र्यांना पालापाचोळा म्हणणं महाराष्ट्राचा अपमान - आशिष शेलार

शिवसेना खासदार आणि सामनाचे कार्यकारी संपादक संजय राऊत यांनी शिवसेनाप्रमुख उद्धव ठाकरे यांची मुलाखत घेतली. शिवसेनेतल्या ऐतिहासिक बंडानंतरची ही पहिलीच जाहीर मुलाखत आहे. या मुलाखतीचा पहिला भाग आज प्रसिद्ध झाल्यावर त्यावर अनेक नेत्यांकडून टीका केली जात आहे. मुख्यमंत्र्यांना पालापाचोळा म्हणणं हा महाराष्ट्राचा अपमान असल्याचं भाजपा नेते आशिष शेलारांनी म्हटलं आहे. (Ashish Shelar on Uddhav thackeray interview)

भाजपा नेते आशिष शेलारांनी (Ashish Shelar) म्हटलं की, ज्यावेळी मुख्यमंत्री व्हायचं होतं, तेव्हाही भाजपाला इशारे देण्यात आले. मग मुख्यमंत्री पदावर बसले, तेव्हाही भाजपाला इशारे दिले आणि आता पायउतार व्हावं लागलंय, तेव्हाही भाजपाला इशारे दिले. इशारे आणि टोमणे मारल्यानंतर आपल्याला महत्त्व मिळेल यातून हे सगळं सुरू आहे.

मुख्यमंत्री एकनाथ शिंदे आणि बंडखोर आमदारांवर केलेल्या टीकेला उत्तर देताना शेलार म्हणाले की, राज्यातल्या मुख्यमंत्र्यांना जर कोणी पालापाचोळा म्हणत असेल तर हा महाराष्ट्राचा अपमान आहे. आता महाराष्ट्र द्रोह होत नाही का, हा राज्याचा अपमान नाही का?

आजारपणात सरकार पाडण्याचे प्रयत्न झाल्याच्या उद्धव ठाकरेंच्या आरोपावरही आशिष शेलारांनी भाष्य केलं आहे. शेलार म्हणाले, उद्धव ठाकरेंना सहानुभूत हवीये म्हणून ते असं बोलतायत. तुमची सत्तेची लालसा एवढी होती की, आजारी असताना एका दिवसासाठी सुद्धा तुम्ही मुख्यमंत्री पदाची जबाबदारी कुणाला दिला नाही. आजारपणातही ममता बॅनर्जी यांना भेटत होते, शरद पवारांसोबत बैठका सुरू होत्या