केंद्रीय तपास यंत्रणांद्वारे विरोधकांचं आयुष्य बरबाद करण्याचं षडयंत्र- उद्धव ठाकरेंचा गंभीर आरोप| Uddhav Thackeray interview central investigation agencies Sanjay Raut | Sakal
sakal

बोलून बातमी शोधा

Uddhav Thackeray interview

केंद्रीय तपास यंत्रणांद्वारे विरोधकांचं आयुष्य बरबाद करण्याचं षडयंत्र- उद्धव ठाकरेंचा गंभीर आरोप

शिवसेना पक्षप्रमुख उद्धव ठाकरे यांची संजय राऊतांनी घेतलेली मुलाखत चांगलीच चर्चेत आहे. यावेळी उद्धव ठाकरेंनी विरोधकांवर चांगलेच तोंडसुख घेतले. मनाली अनेक खंत बोलून दाखवत आरोपांच्या फैरी झाडल्या. दरम्यान, संजय राऊत यांनी उद्धव ठाकरेंना केंद्रीय तपास यंत्रणांचा गैरवापर होत असल्याच्या आरोपावर उद्धव ठाकरेंना प्रश्न विचारला. राऊतांच्या प्रश्नाला उत्तर देताना उद्धव ठाकरे यांनीही केंद्र सरकार आणि भाजपवर जोरदार हल्ला चढवला.(Uddhav Thackeray interview central investigation agencies Sanjay Raut)

हेही वाचा: फडणवीसांना उपमुख्यमंत्री केल्याबद्दल ठाकरे म्हणतात; 'त्यांच्याबरोबर असं...'

केंद्रीय तपास यंत्रणेबद्दल काही वेळेला न्यायालयाने सुद्धा आपली मत नोंदवलेली आहेत. दिल्लीच्या मुख्यमंत्र्यांनी नुकतंच सांगितलं आहे की, त्यांच्या एका महत्त्वाच्या नेत्याला अटक होण्याची शक्यता आहे. मनीष सिसोदियांना खोट्या आरोपाखाली अटक होण्याची शक्यता आहे. कालांतराने त्यातून ते सुटतील. पण तोपर्यंत त्यांचा आयुष्य तुम्ही बरबाद केलेलं असतं.

असं कुणाचं आयुष्य बरबाद करून कुणाला सुख मिळेल असे मला वाटत नाही. अशी लोकं कधी सुखात राहू शकतात यावर माझा विश्वास नाही. देशात लोकशाही आहे. तुम्ही काय बोलायचं ते बोला, आम्ही काय बोलायचं ते बोलू. मात्र आत्ता ज्या पद्धतीने बदनामीकरण चाललेलं आहे, ते अत्यंत घाणेरड्या आणि विकृत भाषेत चाललेलं आहे. हे लाभणार नाही कुणाला. जे विरोधी पक्षात आहेत त्यांच्यावर आरोप करायचे, त्यानंतर त्यांना कुंभमेळ्याला न्यायचं.

हेही वाचा: MP : ग्राहकाला आले तब्बल 3, 419 कोटी रुपयांचे वीजबील, रक्कम पाहिल्यावर थेट रुग्णालयात दाखल

नितीन गडकरी मागे बोलले होते की आमच्याकडे वॉशिंग मशीन आहे. ज्या लोकांवर आरोप होते ते लोक त्यांच्यामध्ये गेले आहेत. त्या लोकांचं पुढे काय होतं तेही सोडून द्या. पण नवीन नवीन लोकांना त्रास द्यायचा हे चांगल्या सशक्त राज्यकर्त्याचं लक्षण नाही, अशा शब्दात उद्धव ठाकरे यांनी भाजपवर हल्ला चढवला.

Web Title: Uddhav Thackeray Interview Central Investigation Agencies Sanjay Raut

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..