मुंबई : एकीकडे एकनाथ शिंदेंच्या (Eknath Shinde) बंडामुळे राज्यात सत्तांतर होणार का? याकडे सर्वांचे लक्ष लागलेले असताना शिवसेनेला (Shivsena) ठाण्यात आणखी एक जोरदार धक्का बसण्याची शक्यता आहे. कारण ठाण्याचे माजी महापौर नरेश मस्के (Thane Mayor) यांनी एक ट्वीट करत एक सूचक इशारा दिला आहे. त्यांच्या या ट्वीटनुसार आगामी काळात होऊ घातलेली ठाणे महापालिका (Thane Corporation Election) एकनाथ शिंदेंच्या नेतृत्त्वाखाली लढवणार असल्याची चर्चांना या ट्वीटनंतर उधाण आले आहे. (Eknath Shinde News In Marathi)
सध्या एकनाथ शिंदेंसह साधारण 42 आमदार गुवाहटी येथे आहेत. अनेक आमदारांनी थेट मुख्यमंत्र्यांना आव्हान दिले आहे. तर, शिंदेंनी आमची शिवसेना (Shivsena) खरी असल्याचा दावा केला असून, काल मुख्यमंत्र्यांनी सरकारी निवासस्थान असलेला वर्षा बंगलाही सोडला आहे. त्यामुळे राज्यात सत्तांतर होणार असल्याच्या चर्चांना अधिक उधाण आलं आहे. त्यानंतर आता ठाण्याचे माजी महापौर नरेश मस्के यांनी एकनाथ शिंदेच्या समर्थन करणारे ट्वीट केले आहे. त्यामुळे आगामी काळात होऊ घातलेल्या ठाणे महापालिका निवडणुका एकनाथ शिंदेंच्या नेतृत्त्वाखाली लढवली जाणार का? असा प्रश्न उपस्थित झाला आहे. (Maharashtra Politics)
त्यात आता ठाण्याचे माजी महापौर नरेश मस्के यांनी ट्वीट करत आम्ही तुमच्यासोबत.......आमची साथ हिंदुत्वाच्या धगधगत्या ज्वाळांना असं म्हटलं आहे. त्यामुळे आगामी काळात होऊ घातलेली ठाणे महापालिका निवडणूक शिंदे यांच्या नेत्तृत्त्वाखाली लढवली जाणार असल्याच्या चर्चा आता रंगू लागल्या असून, असे झाल्यास सत्तांतरानंतर शिवसेना बसलेला हा सर्वात मोठा धक्का मानावा लागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
