मुंबई - ग्रामीण भागातील रस्त्यांची स्थिती सुधारण्यासाठी राष्ट्रीय आणि राज्य महामार्ग यांना जोडणाऱ्या ग्रामीण रस्त्यांचा विकास आराखडा तयार करावा आणि ग्रामीण भागातील महत्त्वाच्या रस्त्यांच्या कामांची प्राथमिकता निश्‍चित करावी, अशा सूचना मुख्यमंत्री उद्धव ठाकरे यांनी दिल्या.
उद्धव ठाकरे म्हणाले, की ग्रामीण रस्त्यांची कामे करताना रस्त्यांचा दर्जा उत्तम राहील याकडे लक्ष केंद्रित करावे, ज्या कंत्राटदाराला हे काम देण्यात आले आहे, त्यांच्यावर रस्त्यांची जबाबदारी निश्‍चित केली जावी. बचत गटांच्या वस्तूंना व्यापक बाजारपेठ मिळावी यासाठी प्रदर्शनांचे आयोजन आणि कायमस्वरूपी बाजारपेठ मिळेल, अशी व्यवस्था विकसित करावी. सक्षम बचत गटांना शिवभोजन योजना राबविण्यासाठी प्रोत्साहित करण्यात यावे अशा सूचनाही त्यांनी दिल्या. मागास आणि आदिवासी ग्रामपंचायतींना देण्यात येणाऱ्या विशेष साह्यत वाढ केली जावी, असे ही मुख्यमंत्री ठाकरे म्हणाले.
‘वित्त आयोगाचा निधी समित्यांना मिळावा’
वित्त आयोगाकडून पंचायत समित्यांनाही थेट निधी मिळावा. त्यामुळे ग्रामीण विकासाला गती मिळेल, असे ग्रामविकास मंत्री हसन मुश्रीफ यांनी बैठकीत सांगितले. ते पुढे म्हणाले, की गावाला जोडणाऱ्या रस्त्यांच्या कामाचा दर्जा उत्तम राहील याची काळजी घेणे आवश्‍यक आहे. तसेच पंतप्रधान आवास योजनेअंतर्गत घरासाठीचा जागेचा प्रश्‍न मार्गी लावण्यासाठी कार्यवाही होईल याचा पाठपुरावा करावा अशी अपेक्षाही त्यांनी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.