Nitin Gadkari: गडकरींना आलेला धमकीचा फोन राज्यातूनच...

केंद्रीय मंत्री नितीन गडकरी यांना जीवे मारण्याच्या धमकीचे कॉल आलेले आहेत. अंडरवर्ल्ड डॉन दाऊदच्या नावाने धमकीचे तीन फोन आले आहेत. सुरुवातीला दोन कॉल आल्याचं सांगितलं जात होतं. दरम्यान मोठी अपडेट समोर आली आहे.(Union Minister Nitin Gadkari gets death threats big updates belgaum )

अंडरवर्ल्ड डॉन दाऊद इब्राहिमच्या नावाने ही धमकी देण्यात आली असून 2 कोटी खंडणी मागितली आहे. अशी माहिती समोर आली आहे. मात्र, त्यांना हा धमकीचा फोन दाऊदचा नसून राज्यातीलचं एका व्यक्तीचा आहे.

संबंधित कॉल एका सराईत गँगस्टरने केले असून तो सध्या बेळगाव तुरुंगात कैदेत आहे. तुरुंगाच्या आत त्याच्याकडे नियमबाह्य पद्धतीने असलेल्या फोनच्या माध्यमातून त्याने हे कॉल केल्याचे समोर आले आहे.

मिळालेल्या माहितीनुसार, गडकरी यांच्या कार्यालयात फोन कॉलच्या माध्यमातून धमकी देणाऱ्या गुन्हेगाराचे नाव जयेश पुजारी असून तो हत्या प्रकरणात बेळगाव जेलमध्ये कैदेत आहे. या धमकी प्रकरणात एकटा जयेश पुजारी आणि त्याची टोळी आहे की अंडरवर्ल्डचे काही मोठे गँगस्टर यामागे आहेत, याचा तपास सध्या पोलीस करत आहे. नागपूर पोलिसांची एक टीम तातडीने बेळगावला रवाना झाली आहे.

एकूण 3 वेळा फोन करण्यात आले होते. 11.30 आणि 12.40 मिनिटाने फोन आले होते. फोनमध्ये दाऊद असा उल्लेख करण्यात आला होता.